ଚଳିତ ଲୋକସଭା ନିର୍ବାଚନରେ ଶୋଚନୀୟ ପରାଜୟ ପରେ ଛତିଶଗଡ କଂଗ୍ରେସ ପକ୍ଷରୁ ଏହାର ପିସିସି ମୁଖ୍ୟଙ୍କୁ ବଦଳା ଯାଇଛି । ମୁଖ୍ୟମନ୍ତ୍ରୀ ତଥା ପିସିସି ଅଧ୍ୟକ୍ଷ ଭୂପେଶ ବାଘେଲ ପିସିସି ସଭାପତି ପଦରୁ ଇସ୍ତଫା ପ୍ରଦାନ କରିଥିବା ବେଳେ ମୋହନ ମର୍କାମଙ୍କୁ ଏହି ଦାୟିତ୍ବ ପ୍ରଦାନ କରାଯାଇଛି । ବାଘେଲ ମୁଖ୍ୟମନ୍ତ୍ରୀ ହେବା ପରେ ନୂତନ ପିସିସି ମୁଖ୍ୟଙ୍କ ସନ୍ଧାନ ଜାରି ରହିଥିଲା । ଶୁକ୍ରବାର ଦିନ ଏଆଇସିସି ପକ୍ଷରୁ ଦୁଇ ଥର ବିଧାୟକ ମୋହନ ମର୍କାମଙ୍କ ନାମ ଘୋଷଣା କରାଯାଇଥିଲା । ପୂର୍ବରୁ ମର୍କାମ ଏବଂ ଆଦିବାସୀ ନେତା ମନୋଜ ମଣ୍ଡାବୀ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କୁ ଭେଟିଥିବା ବେଳେ ଏହି ଦୁଇ ଜଣଙ୍କ ମଧ୍ୟରୁ ଜଣଙ୍କର ନିର୍ବାଚିତ ହେବାର ସମ୍ଭାବନା ରହିଥିବା ବେଳେ ଶୁକ୍ରବାର ଅପରାହ୍ନରେ ମର୍କାମଙ୍କ ନାମ ଘୋଷଣା କରାଯାଇଥିଲା ।
Tags:
