![](https://thesamikhsya.com/odia/wp-content/uploads/2024/07/delet-289.jpg)
ଭୁବନେଶ୍ୱର: ବିଶ୍ୱର ଅଗ୍ରଣୀ ସେମିକଣ୍ଡକ୍ଟର କମ୍ପାନି ମିଡିଆଟେକ୍ ଏବଂ ଜିଓଥିଙ୍ଗସ୍ ଲିମିଟେଡ୍ ଦୁଇ ଚକିଆ ଯାନ ବଜାର ପାଇଁ ‘ମେଡ୍ ଇନ୍ ଇଣ୍ଡିଆ’ ସ୍ମାର୍ଟ ଡିଜିଟାଲ୍ କ୍ଲଷ୍ଟର୍ ଏବଂ ସ୍ମାର୍ଟ ମଡ୍ୟୁଲର ଶୁଭାରମ୍ଭ କରିଛନ୍ତି। ବିଶେଷ କରି ଇଲେକ୍ଟ୍ରିକ୍ ଯାନ (ଇଭି) ବର୍ଗରେ ଏହା ଦୁଇ ଚକିଆ ଯାନ ବଜାରରେ ବିପ୍ଳବ ସୃଷ୍ଟି କରିପାରିବା ସମ୍ଭାବନା ରଖିଛି। ଜିଓ ଥିଙ୍ଗସ୍ ଲିମିଟେଡ୍ ହେଉଛି ଜିଓ ପ୍ଲାଟଫର୍ମସ୍ ଲିମିଟେଡର ଏକ ସହାୟକ ସଂସ୍ଥା ଯାହା ଏଣ୍ଡ-ଟୁ-ଏଣ୍ଡ ଇଣ୍ଟରନେଟ ଅଫ୍ ଥିଙ୍ଗ୍ସ (ଆଇଓଟି) ସମାଧାନ ପ୍ରଦାନ କରୁଛି।
ଜିଓ ପ୍ଲାଟଫର୍ମସ ଲିମିଟେଡର ସଭାପତି କିରଣ ଥୋମାସ ଏହି ସହଭାଗିତା ସମ୍ପର୍କରେ କହିଛନ୍ତି ଯେ, “ଗମନାଗମନ ଶିଳ୍ପରେ ବୈପ୍ଳବିକ ପରିବବର୍ତ୍ତନ ଆଣିବା ପାଇଁ ଜିଓଥିଙ୍ଗସ ପକ୍ଷରୁ ମିଡିଆଟେକ୍ ସହ ସହଯୋଗିତା ସ୍ଥାପନ କରି ଆମେ ବେଶ ଆନନ୍ଦିତ। ଆମେ ଆମର ଅତ୍ୟାଧୁନିକ ଡିଜିଟାଲ ସମାଧାନ ସହିତ ମିଡିଆଟେକର ଉନ୍ନତ ଚିପସେଟକୁ ସମନ୍ୱିତ କରି ନୂତନ ମାନଦଣ୍ଡ ସ୍ଥାପିତ କରିବୁ, ଯାହା ଗ୍ରାହକଙ୍କ ଅନୁଭୂତିରେ ଉନ୍ନତି ଆଣି ଭବିଷ୍ୟତକୁ ବଦଳାଇଦେବ।”
ଗ୍ରାହକମାନେ ‘ଜିଓ ଅଟୋମୋଟିଭ ଆପ୍ ସୁଇଟ’ରେ ଜିଓ ଭଏସ୍ଆ ସିଷ୍ଟାଣ୍ଟ, ଜିଓସାୱନ୍, ଜିଓପେଜ, ଜିଓଏକ୍ସପ୍ଲୋଆର୍ ଭଳି ଅନେକ ଅନନ୍ୟ ସେବା ଏକତ୍ର ପାଇପାରିବେ। ଜିଓଥିଙ୍ଗସର ସ୍ମାର୍ଟ ଡିଜିଟାଲ କ୍ଲଷ୍ଟର ଅଭନି ଓଏସ୍ ଉପରେ ଆଧାରିତ। ସ୍ମାର୍ଟ ଡିଜିଟାଲ କ୍ଲଷ୍ଟର ଏବଂ ଅପରେଟିଂ ସିଷ୍ଟମ ବାସ୍ତବ ସମୟ ଡାଟାର ଅନୁଶୀଳନ କରିଥାଏ। ଗାଡି ଉପରେ ଉତ୍ତମ ନିୟନ୍ତ୍ରଣ ପାଇଁ ଏଥିରେ ଏକ ଉତ୍ତମ ଇଣ୍ଟରଫେସ୍ ସହିତ ସହଜ ନିୟନ୍ତ୍ରଣ ପାଇଁ ସ୍ୱର ଚିହ୍ନଟ ଲାଗି ସୁବିଧା ରହିଛି।
ମିଡିଆଟେକର ଇଣ୍ଟେଲିଜେଣ୍ଟ ଡିଭାଇସ୍ ବିଜନେସ୍ ଗ୍ରୁପର କର୍ପୋରେଟ୍ ବରିଷ୍ଠ ଉପାଧ୍ୟକ୍ଷ ତଥା ମହାପ୍ରବନ୍ଧକ ଜେରି ୟୁ କହିଛନ୍ତି ଯେ, ‘ମିଡିଆଟେକ୍ ଦ୍ୱାରା ପରିଚାଳିତ ଦୁଇ ଚକିଆ ସ୍ମାର୍ଟ ଡିଜିଟାଲ କ୍ଲଷ୍ଟରରେ ଜିଓଥିଙ୍ଗସ ସହ ସହଯୋଗିତା ଉଭୟ ଆଇଓଟି ଏବଂ ଅଟୋମୋଟିଭ କ୍ଷେତ୍ରରେ ନବସୃଜନ ପାଇଁ ଆମର ପ୍ରତିବଦ୍ଧତାକୁ ଆହୁରି ଦୃଢ଼ କରିଛି । ଏହି କ୍ଲଷ୍ଟର ଦୁଇ ଚକିଆ ସ୍ମାର୍ଟ ଡ୍ୟାସବୋର୍ଡର ଭବିଷ୍ୟତ ପାଇଁ ଆମର ରହିଥିବା ଦୃଷ୍ଟିକୋଣ ସହିତ ସମାନ । ”
ଅତ୍ୟାଧୁନିକ ଚିପସେଟ ତିଆରି କରିବାରେ ମିଡିଆଟେକର ଦକ୍ଷତା ଏବଂ ଜିଓର ଉତ୍ପାଦ ନବସୃଜନ ଇତିହାସ ଏହି ସମାଧାନକୁ କେବଳ ଭାରତରେ ନୁହେଁ ବରଂ ବିଶ୍ୱ ବଜାରରେ ମଧ୍ୟ ଏକ ଟର୍ଣ୍ଣକି ଆଧାର ଭାବରେ ପ୍ରସ୍ତୁତ କରିବ। ୨୦୨୫ ଶେଷ ସୁଦ୍ଧା ଭାରତୀୟ ଦୁଇ ଚକିଆ ଇଭି ବଜାର ୧୦,୦୦୦ କୋଟି ଟଙ୍କାରେ ପହଞ୍ଚିବ ବୋଲି ଆକଳନ କରାଯାଇଛି । ଯେଉଁଥିରେ ରାସ୍ତାରେ ୩୦ ଲକ୍ଷରୁ ଅଧିକ ଯାନବାହନ ଚଳାଚଳ କରିବ । ଜିଓଥିଙ୍ଗସ ଏବଂ ମିଡିଆଟେକ ମଧ୍ୟରେ ଏହି ସହଯୋଗିତା ଗାଡ଼ି ଶିଳ୍ପରେ ଇଲେକ୍ଟ୍ରିକ ଯାନର ବଢୁଥିବା ଚାହିଦାକୁ ପୂରଣ କରିବ।