ବଲିଉଡ୍ ଅଭିନେତା ନଓ୍ବାଜଉଦ୍ଦିନ୍ ସିଦ୍ଧିକିଙ୍କ ଅପ୍କମିଙ୍ଗ ଫିଲ୍ମର ନଜର ଆସିବେ ଅଭିନେତ୍ରୀ ତମନ୍ନା ଭାଟିଆ । ପୂର୍ବରୁ ଏହି ଫିଲ୍ମ ପାଇଁ ଅଭିନେତ୍ରୀ ମୌନୀ ରାୟଙ୍କୁ ସାଇନ୍ କରାଯାଇଥିଲେ ମଧ୍ୟ ନିର୍ମାତାଙ୍କ ସହ ମତଭେଦ ହେବାରୁ ମୌନୀ ଏହି ଫିଲ୍ମରୁ ଆଉଟ୍ ହୋଇଛନ୍ତି । ଏବେ ମୌନୀଙ୍କ ଜାଗା ନେଇଛନ୍ତି ବାହୁବଲୀ ଫେମ୍ ତମନ୍ନା । ନଓ୍ବାଜ ଓ ତମନ୍ନାଙ୍କ ଏହା ପ୍ରଥମ ଫିଲ୍ମ । ଏହି ଫିଲ୍ମ ଜରିଆରେ ନଓ୍ବାଜଙ୍କ ଭାଇ ଶମାସ୍ ସିଦ୍ଧିକି ଏହି ଫିଲ୍ମର ନିର୍ଦ୍ଦେଶନା ଦେଉଥିବାବେଳେ ଏହା ଶମାସ୍ଙ୍କ ପ୍ରଥମ ଫିଲ୍ମ ଅଟେ । ଦକ୍ଷିଣ ଭାରତୀୟ ଫିଲ୍ମରେ ବେଶ୍ ସକ୍ରିୟ ଥିବା ଏହି ଅଭିନେତ୍ରୀ ଜଣକ ପୂର୍ବରୁ କେତେଗୁଡ଼ିଏ ବଲିଉଡ୍ ଫିଲ୍ମ କରିଛନ୍ତି । ‘ଚାନ୍ଦ ସେ ରୋଶନ୍ ଚେହେରା’, ‘ହିମ୍ମତଓ୍ବାଲା’, ‘ହମ୍ସକଲ୍’, ‘ଏଣ୍ଟରଟେନ୍ମେଣ୍ଟ’, ‘ଟୁକ୍ଟୁକ୍ ଟୁକିୟା’ ପ୍ରମୁଖ ଫିଲ୍ମରେ ଅଭିନୟ କରିଛନ୍ତି ତମନ୍ନା । ନଓ୍ବାଜ୍ଙ୍କ ସହ ଅଭିନୟ କରିବାକୁ ନେଇ ବେଶ୍ ଖୁସି ଅଛନ୍ତି ବୋଲି କହିଛନ୍ତି ତମନ୍ନା ।
Tags:
