ଆଫଗାନିସ୍ତାନରେ ତାଲିବାନର ଆକ୍ରମଣରେ ୨୫ ଜଣ ସୁରକ୍ଷା କର୍ମୀ ପ୍ରାଣ ହରାଇଛନ୍ତି। ଆଫଗାନିସ୍ତାନର ଉତ୍ତର ଭାଗରେ ରହିଥିବା ବାଘଲାନ ପ୍ରଦେଶରେ ଏହି ବିସ୍ଫୋରଣ ଘଟିଛି। ଜିଲ୍ଲା ମୁଖ୍ୟ ଫଜେଲୁଦ୍ଦିନ ମୁରାଦି ଆକ୍ରମଣ ସମ୍ପର୍କରେ ସୂଚନା ଦେବା ସହିତ ୨୫ ସୁରକ୍ଷା ଅଧିକାରୀ ନିହତ ହୋଇଥିବା ବିଷୟକୁ ସ୍ପଷ୍ଟ କରିଛନ୍ତି। ଶୁକ୍ରବାର ସନ୍ଧ୍ୟାରେ ନାହରିନ୍ ଅଞ୍ଚଳରେ ଏହି ବିସ୍ଫୋରଣ ଘଟିଥିଲା। ଆଜିଠାରୁ ତାଲିବାନ ଏବଂ ଆମେରିକା ମଧ୍ୟରେ ଶାନ୍ତି ଆଲୋଚନା ହେବାର ଥିବାରୁ ଏହି ଆକ୍ରମଣ ଆଲୋଚନାକୁ ପ୍ରଭାବିତ କରି ପାରିବ ବୋଲି କୁହାଯାଇଛି। ପ୍ରାରମ୍ଭିକ ଭାବରେ ତାଲିବାନ ଆକ୍ରମଣରେ ସମ୍ପୃକ୍ତ ଥିବା ନେଇ ସ୍ବୀକାର କରିନଥିଲେ ମଧ୍ୟ ଶନିବାର ସକାଳୁ ଏକ ଭିଡିଓ ଜରିଆରେ ନିଜ ସମ୍ପୃକ୍ତି ସ୍ପଷ୍ଟ କରିଥିଲା।
Tags:
