ନୂଆଦିଲ୍ଲୀ: ବର୍ତ୍ତମାନ ଇରାନ ଅନେକ ଚର୍ଚ୍ଚାରେ ଅଛି। ନିକଟରେ ତେହେରାନରେ ହମାସ ମୁଖ୍ୟ ଇସମାଇଲ ହନିୟାଙ୍କ ହତ୍ୟା ଯୋଗୁଁ ଇରାନ ଖବରରେ ଅଛି। ଏବେ ଇରାନରୁ ଆଉ ଏକ ଆଶ୍ଚର୍ଯ୍ୟଜନକ ରିପୋର୍ଟ ଆସୁଛି। ବାସ୍ତବରେ ଇରାନ ଗୋଟିଏ ଦିନରେ ୨୯ ଜଣଙ୍କୁ ମୃତ୍ୟୁଦଣ୍ଡ ଦେଇଛି। ବୁଧବାର ଦିନ ତେହେରାନର ଜେଲରେ ୨୬ ଜଣଙ୍କୁ ଏବଂ କରଜ ସହରର କାରାଗାରରେ ଫାଶୀ ଦିଆଯାଇଛି।
ଗଣମାଧ୍ୟମ ପୋର୍ଟ ଅନୁଯାୟୀ, ମୃତ୍ୟୁଦଣ୍ଡ ଦିଆଯାଇଥିବା ୨୯ ଜଣଙ୍କ ମଧ୍ୟରେ ୨ ଜଣ ମଧ୍ୟ ଆଫଗାନିସ୍ତାନର ନାଗରିକ। ସେମାନଙ୍କ ଉପରେ ହତ୍ୟା, ନିଶା କାରବାର ଏବଂ ଦୁଷ୍କର୍ମ ଅଭିଯୋଗ ଥିଲା। ତେବେ କେତେକ ଲୋକ ଏହା ମଧ୍ୟ କହିଛନ୍ତି ଯେ, ୨୦୨୨ ବିକ୍ଷୋଭରେ ଜଡିତ ଲୋକଙ୍କୁ ଇରାନ ମୃତ୍ୟୁଦଣ୍ଡ ଦେଉଛି, ଯାହା ଦ୍ଵାରା ଏହା ଲୋକଙ୍କ ମଧ୍ୟରେ ଭୟ ସୃଷ୍ଟି କରିପାରିବ।
ବାସ୍ତବରେ ସେପ୍ଟେମ୍ବର ୧୩ ତାରିଖ ୨୦୨୨ରେ କୁର୍ଦ୍ଦ ସମ୍ପ୍ରଦାୟର ମହସା ଆମିନି (୨୨) ତେହେରାନରେ ଗିରଫ ହୋଇଥିଲେ। ସେ ହିଜାବ ପିନ୍ଧି ନଥିଲେ, ତେଣୁ ତାଙ୍କ ବିରୋଧରେ ଏହି କାର୍ଯ୍ୟାନୁଷ୍ଠାନ ନିଆଯାଇଥିଲା। ଏହା ପରେ ଇରାନରେ ବହୁତ ଗଣ୍ଡଗୋଳ ହୋଇଥିଲା। ରିପୋର୍ଟ ଅନୁଯାୟୀ, ୨୦୨୩ ମସିହାରେ ଇରାନରେ ୮୫୩ ଜଣଙ୍କୁ ମୃତ୍ୟୁଦଣ୍ଡ ଦିଆଯାଇଥିଲା, ତା’ପରେ ସାଉଦି ଆରବରେ ୧୭୨ ଜଣଙ୍କୁ ମୃତ୍ୟୁଦଣ୍ଡ ଦିଆଯାଇଥିଲା। ଏହା ମଧ୍ୟ କୁହାଯାଇଛି ଯେ, ଚାଇନାରେ ସର୍ବାଧିକ ମୃତ୍ୟୁଦଣ୍ଡ ଦିଆଯାଉଛି, କିନ୍ତୁ ଠୋସ୍ ଆକଳନ ଉପଲବ୍ଧ ନାହିଁ।