ଜୁଲାଇ 1 ତାରିଖରୁ ସୁପ୍ରିମ୍କୋର୍ଟ ଖୋଲିବାକୁ ଯାଉଛି । ସୁପ୍ରିମକୋର୍ଟ ଖୋଲିବା ପରେ ବିଭିନ୍ନ ସ୍ପର୍ଶକାତର ମାମଲା ଗୁଡିକର ବିଚାର କରାଯିବ ବୋଲି କୁହାଯାଇଛି । 6 ସପ୍ତାହର ଛୁଟି ପରେ ଖୋଲିବାକୁ ଯାଉଥିବା ସୁପ୍ରିମ୍କୋର୍ଟ ବର୍ତ୍ତମାନ ଏହାର ସମସ୍ତ 31 ବିଚାରପତିଙ୍କ ସହିତ ରଞ୍ଜନ ଗୋଗୋଇଙ୍କ ନେତୃତ୍ବରେ କାର୍ଯ୍ୟ କରିବ । ଜୁଲାଇ 1 ପରେ ସୁପ୍ରିମ୍କୋର୍ଟ ରାହୁଲ ଗାନ୍ଧୀଙ୍କ ଚୌକିଦାର ଚୋର ହେ ମନ୍ତବ୍ୟ, ଅଯୋଧ୍ୟା ମାମଲା ଏବଂ ରାଫାଲେ ମାମଲାର ବିଚାର କରାଯିବ ବୋଲି ସୂଚନା ମିଳିଛି । ୟଶଓ୍ବନ୍ତ ସିହ୍ନା, ଅରୁଣ ସୌରୀ ଏବଂ ପ୍ରଶାନ୍ତ ଭୂଷଣଙ୍କ ପକ୍ଷରୁ ଦାୟର କରାଯାଇଥିବା ରାଫାଲେ ମାମଲାର ବିଚାର ଏକ ତିନି ଜଣିଆ ଖଣ୍ଡପୀଠ କରିବ । ମୀନାକ୍ଷୀ ଲେଖିଙ୍କ ପକ୍ଷରୁ ଦାୟର କରାଯାଇଥିବା ମାନହାନି ମାମଲାର ବିଚାର କରିବେ ମୁଖ୍ୟ ବିଚାରପତି ରଞ୍ଜନ ଗୋଗୋଇ । ସେହିପରି ଅଗଷ୍ଟ 15 ପୂର୍ବରୁ ଅଯୋଧ୍ୟା ମାମଲାରବିଚାର କରାଯିବ ଏବଂ ଏଥି ନିମନ୍ତେ ଏକ ପାଞ୍ଚ ଜଣିଆ ଖଣ୍ଡପୀଠ ଗଠନ କରାଯିବ ବୋଲି ଜଣାପଡିଛି ।
Tags:
