ନୂଆଦିଲ୍ଲୀ: ଭାରତୀୟ ଜନତା ପାର୍ଟି ୨୦୨୪ ରାଜ୍ୟସଭା ଉପ-ନିର୍ବାଚନ ପାଇଁ ପ୍ରାର୍ଥୀ ତାଲିକା ପ୍ରକାଶ କରିଛି। ୮ ଟି ରାଜ୍ୟରେ ୯ ଟି ରାଜ୍ୟସଭା ଆସନ ପାଇଁ ବିଜେପି ଏହି ତାଲିକା ପ୍ରକାଶ କରିଛି। ଓଡିଶା ପାଇଁ ମଧ୍ୟ ବିଜେପି ପ୍ରାର୍ଥୀ ଘୋଷଣା କରିଛି। କିଛି ଦିନ ତଳେ ବିଜେଡ଼ି ଛାଡି ବିଜେପିରେ ଯୋଗ ଦେଇଥିବା ମମତା ମହାନ୍ତଙ୍କୁ ବିଜେପି ଟିକେଟ ଦେଇଛି। ସେହିଭଳି ହରିୟାଣାରେ କଂଗ୍ରେସ ଛାଡି ବିଜେପିରେ ଯୋଗଦେଇଥିବା
କିରଣ ଚୌଧୁରୀଙ୍କୁ ବିଜେପି ପ୍ରାର୍ଥୀ କରିଛି।
କେଉଁ ରାଜ୍ୟରୁ କିଏ ପ୍ରାର୍ଥୀ?:
ଆସାମର ମିଶନ ରଂଜନ ଦାସ ଏବଂ ରମେଶ୍ୱର ତେଲୀ, ବିହାରର ମନନ କୁମାର ମିଶ୍ର, ହରିୟାଣାର କିରଣ ଚୌଧୁରୀ, ମଧ୍ୟପ୍ରଦେଶର ଜର୍ଜ କୁରିୟନ, ମହାରାଷ୍ଟ୍ରର ଧୈର୍ଯ୍ୟଶୀଳ ପାଟିଲ, ଓଡିଶାର ମମତା ମହାନ୍ତ, ରାଜସ୍ଥାନର ସର୍ଦ୍ଦାର ରବଣୀତ ସିଂ ବିଟୁ ଏବଂ ତ୍ରିପୁରରୁ ରାଜୀବ ଭଟ୍ଟାଚାର୍ଯ୍ୟ ପ୍ରାର୍ଥୀ ହୋଇଛନ୍ତି।
ବାସ୍ତବରେ ୯ ଟି ରାଜ୍ୟରୁ ୧୨ ଟି ରାଜ୍ୟସଭା ଆସନ ପାଇଁ ସେପ୍ଟେମ୍ବର ୩ ତାରିଖରେ ନିର୍ବାଚନ ଅନୁଷ୍ଠିତ ହେବ। ନିର୍ବାଚନ ଆୟୋଗ ମଧ୍ୟ ଏହାର କାର୍ଯ୍ୟସୂଚୀ ଘୋଷଣା କରିଛନ୍ତି।
