ବିଦ୍ୟା ବାଲାନ୍ ଅନୁରାଗ ବାସୁଙ୍କ ଆଗାମୀ ଫିଲ୍ମରେ କ୍ୟାମିଓ ଭୂମିକାରେ ନଜର ଆସିବେ । ଏହି ମଲ୍ଟିଷ୍ଟାରର ଫିଲ୍ମରେ ଏକ ଛୋଟ ଭୂମିକାରେ ନଜର ଆସିବା ନେଇ ଉଭୟ ବିଦ୍ୟା ଏବଂ ଅନୁରାଗ ବାସୁ ସ୍ପଷ୍ଟ କରିଛନ୍ତି । ଏହି ମଲ୍ଟି ଷ୍ଟାରର ଫିଲ୍ମରେ ଅଭିଷେକ ବଚ୍ଚନ, ରାଜକୁମାର ରାଓ, ଆଦିତ୍ୟ ରୟ କପୁରଙ୍କ ସହିତ ଦୁଇ ଦଙ୍ଗଲ ଗାର୍ଲ ଫାତିମା ସାନା ଶେଖ ଏବଂ ସାନ୍ୟା ମଲହୋତ୍ରା ପ୍ରମୁଖ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମର ଅନ୍ୟ ଜଣେ ଲିଡିଂ ଲେଡି ଚୟନ ଖୁବ୍ ଶୀଘ୍ର କରାଯିବ ବୋଲି ବାସୁ ସୂଚନା ଦେଇଛନ୍ତି । ଏହା ସହିତ ଏହି ଫିଲ୍ମଟି ଲାଇଫ୍ ଇନ୍ ଏ ମେଟ୍ରୋର ସିକ୍ବେଲ୍ ନୁହେଁ ବୋଲି ମଧ୍ୟ ବାସୁ ସ୍ପଷ୍ଟ କରିଛନ୍ତି । ଫିଲ୍ମଟି 2020 ଫେବୃୟାରୀରେ ରିଲିଜ୍ ହେବାକୁ ଯାଉଛି ।
Tags:
