ଟେକ୍ସାସରେ ଏକ ବିମାନ ଦୁର୍ଘଟଣାରେ ୧୦ ଜଣଙ୍କର ମୃତ୍ୟୁ ଘଟିଛି। ଟେକ୍ସାସର ଆଡିସନ୍ ବିମାନ ବନ୍ଦରରୁ ସୋମବାର ସକାଳେ ଏହି ବିମାନଟି ହଙ୍ଗାର ଅଭିମୁଖେ ଯାତ୍ରା କରୁଥିଲା। ବିଇ-୩୫୦ର ଏହି ଦ୍ବୈତ ଇଞ୍ଜିନର ବିମାନଟିରେ ନିଆଁ ଲାଗି ଏହା ସମ୍ପୂର୍ଣ୍ଣ ଜଳି ଯାଇଥିଲା ଏବଂ ୧୦ ଜଣଙ୍କର ମୃତ୍ୟୁ ଘଟିଥିଲା ବୋଲି ଆଡିସନ୍ ବିମାନ ବନ୍ଦରର ମୁ୍ଖପାତ୍ର ମେରୀ ରୋଜେନ୍ବ୍ଲକିଥ୍ ପ୍ରକାଶ କରିଛନ୍ତି। ଡାଲାସରୁ ୧୫ ମାଇଲ୍ ଦୂରରେ ଏହି ବିମାନଟି ଦୁର୍ଘଟଣା ଗ୍ରସ୍ତ ହୋଇଥିଲା। ବିମାନରେ କେତେଜଣ ଯାତ୍ରୀ ଯାତ୍ରା କରୁଥିଲେ ଏ ନେଇ କୌଣସି ସ୍ପଷ୍ଟ ସୂଚନା ମିଳି ନଥିବା ବେଳେ ୧୦ ଜଣଙ୍କ ମୃତ ଦେହ ଉଦ୍ଧାର କରାଯାଇଛି ।
Tags:
