ନୂଆଦିଲ୍ଲୀ: ପ୍ରସିଦ୍ଧ ଲେଖକ ତସଲିମା ନସରିନ୍ କହିଛନ୍ତି ଯେ, ଇସଲାମିକ୍ ଚରମପନ୍ଥୀମାନେ ଯୁବକମାନଙ୍କୁ ଭ୍ରମରେ ପକାଇ ଭାରତ ବିରୋଧୀ, ହିନ୍ଦୁ ବିରୋଧୀ, ପାକିସ୍ତାନ ସମର୍ଥକ ଏବଂ ଜିହାଦ୍ କରିବାକୁ ଚେଷ୍ଟା କରୁଛନ୍ତି। ଯାହାଦ୍ୱାରା ବାଂଲାଦେଶ ଆଉ ଏକ ଆଫଗାନିସ୍ତାନରେ ପରିଣତ ହେବ ବୋଲି ତାଙ୍କ ମନରେ ଭୟ ରହିଛି। ସେ କହିଛନ୍ତି ଯେ, ଯେତେବେଳେ ତୁମେ ଯୁବକମାନଙ୍କୁ ଏହି ଉପାୟରେ ପ୍ରବର୍ତ୍ତାଇବ, ସେମାନେ ଏପରି ଏକ ପିଢୀରେ ପରିଣତ ହେବେ, ଯାହା ହିନ୍ଦୁ, ଭାରତ ଏବଂ ମହିଳାଙ୍କ ବିରୁଦ୍ଧରେ ହେବ ଏବଂ ପାକିସ୍ତାନ ସମର୍ଥକ, ଜିହାଦ୍ ସମର୍ଥକ, ଚରମପନ୍ଥୀଙ୍କ ସମର୍ଥକ ହେବ।
ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ ବାଂଲାଦେଶୀ ଲେଖକ ତସଲିମା ନାସିରିନ୍ କହିଛନ୍ତି ଯେ, ଯେତେବେଳେ ଜୁଲାଇ ମାସରେ ଛାତ୍ରମାନେ କୋଟା ବ୍ୟବସ୍ଥା ବିରୋଧରେ ବିରୋଧ କରିଥିଲେ, ଆମେ ସେମାନଙ୍କୁ ସମର୍ଥନ କରିଥିଲୁ। ପରେ ଆମେ ଅନୁଭବ କଲୁ ଯେ ଏହା ଛାତ୍ରମାନଙ୍କ ଆନ୍ଦୋଳନ ନୁହେଁ। ଇସଲାମିକ ଚରମପନ୍ଥୀମାନେ ଏହା ଯୋଜନା କରିଥିଲେ ଏବଂ ଆର୍ଥିକ ସହାୟତା ଦେଇଥିଲେ। ଯେତେବେଳେ ସେମାନେ ସ୍ୱାଧୀନତା ସଂଗ୍ରାମୀ, ସଂଗ୍ରହାଳୟ ଏବଂ ଜାତୀୟ ଐତିହ୍ୟର ମୂର୍ତ୍ତି ନଷ୍ଟ କରିବାକୁ ଲାଗିଲେ, ଏହା ସ୍ପଷ୍ଟ ହୋଇଗଲା। ବାଂଲାଦେଶ ମଧ୍ୟ ଆଫଗାନିସ୍ତାନ କିମ୍ବା ଇରାନ ଭଳି ସମାନ ମାର୍ଗ ଅନୁସରଣ କରିପାରେ ବୋଲି ଚିନ୍ତା ପ୍ରକଟ କରିଛନ୍ତି।
ତସଲିମା ନାସିରିନ୍ କହିଛନ୍ତି ଯେ, ବିଜୟ ଉତ୍ସବ ପାଳନ କରୁଛନ୍ତି ବୋଲି ୟୁନୁସ୍ କହିଛନ୍ତି। ଲୋକମାନେ ହିନ୍ଦୁମାନଙ୍କ ଘର ଜାଳି ଦେଉଛନ୍ତି। ଏହା କି ପ୍ରକାର ଉତ୍ସବ? ସେମାନେ ସବୁକିଛି ନଷ୍ଟ କରୁଛନ୍ତି। କିନ୍ତୁ ଯୁଦ୍ଧ ସମୟରେ ଲକ୍ଷ ଲକ୍ଷ ଲୋକଙ୍କୁ ହତ୍ୟା କରିଥିବା ଏବଂ ମହିଳାଙ୍କୁ ବଳାତ୍କାର କରିଥିବା ପାକିସ୍ତାନୀ ସେନା ସହ ଜଡିତ ପ୍ରତିମୂର୍ତ୍ତିଗୁଡ଼ିକ ସମାନ ସ୍ଥିତିରେ ଅଛି।
ଲେଖକ ତସଲିମା ନସରିନ୍ କହିଛନ୍ତି ଯେ, ଶେଖ ହସିନା ଜଣେ ଶାସକ ଥିଲେ। ଯିଏ ସର୍ବଦା ଚରମପନ୍ଥୀମାନଙ୍କୁ ପ୍ରୋତ୍ସାହିତ କରିଥିଲେ ଏବଂ ଅଭିବ୍ୟକ୍ତିର ସ୍ୱାଧୀନତାକୁ ବନ୍ଦ କରି ଦେଇଥିଲା। ଲୋକମାନେ ତାଙ୍କ ଉପରେ ନାରାଜ ଥିଲେ। ସେ ଆହୁରି ମଧ୍ୟ କହିଛନ୍ତି ଯେ, ଦକ୍ଷିଣ ଏସୀୟ ଦେଶକୁ ଫେରିବା ବିଷୟରେ କନସରିନ୍ କହିଛନ୍ତି ଯେ, ମୁଁ ମୋ ଦେଶକୁ ଫେରି ପାରିବି ନାହିଁ। ଖାଲିଦା ଏବଂ ହସିନା ମୋତେ ଏହା କରିବାକୁ କେବେ ଅନୁମତି ଦେଇନାହାଁନ୍ତି ଏବଂ ବର୍ତ୍ତମାନ ଏହି ଜିହାଦି ଶାସନରେ ଏହା କଳ୍ପନା କରିବା ଅସମ୍ଭବ।
