ରାଷ୍ଟ୍ରୀୟ ସ୍ବୟଂସେବକ ସଂଘ ମୁଖ୍ୟ ମୋହନ ଭାଗବତ ଶେଷରେ ସାମାଜିକ ଗଣମାଧ୍ୟମ ଟ୍ବିଟ୍ଟରରେ ପାଦ ରଖିଛନ୍ତି। ଭାଗବତଙ୍କ ସହିତ ଆରଏସ୍ଏସ୍ର ଅନ୍ୟ ୬ ଜଣ ଜାତୀୟ ସ୍ତରର କାର୍ଯ୍ୟକର୍ତ୍ତା ମଧ୍ୟ ସାମାଜିକ ଗଣମାଧ୍ୟମରେ ଯୋଗ ଦେଇଛନ୍ତି। ଭାଗବତ ଯୋଗ ଦେବାର ତୁରନ୍ତ ପରେ ତାଙ୍କର ଫଲୋଅରଙ୍କ ସଂଖ୍ୟା ୪ ହଜାର ଛୁଇଁଥିଲା। ଭାଗବତଙ୍କ ସହିତ ଟ୍ବିଟ୍ଟରରେ ଯୋଗ ଦେଇଥିବା ଅନ୍ୟ ନେତାମାନେ ହେଉଛନ୍ତି ସୁରେଶ ଯୋଶୀ, ସୁରେଶ ସୋନୀ, କ୍ରିଷ୍ଣା ଗୋପାଳ, ଭି ଭଗୈୟା, ଅରୁଣ କୁମାର ଏବଂ ଅନିରୁଦ୍ଧ ଦେଶପାଣ୍ଡେ। ଯୋଗ ଦେବା ପରଠାରୁ ଏହି ନେତା ମାନେ କୌଣସି ଟ୍ବିଟ୍ କରି ନାହାନ୍ତି। ଆରଏସ୍ଏସ୍ର ଅଫିସିଆଲ ଟ୍ବିଟ୍ଟର ହ୍ୟାଣ୍ଡେଲର ଫଲୋଅର ସଂଖ୍ୟା ୧.୩ ମିଲିୟନ୍ (୧୩ ଲକ୍ଷ) ରହିଥିବା ବେଳେ ଫେସ୍ବୁକ୍ ପେଜ୍ରେ ୫୪ ଲକ୍ଷ ଫଲୋଅର ରହିଛନ୍ତି।
Tags:
