ସୁପ୍ରିମ୍କୋର୍ଟଙ୍କ ଅବମାନନା ନେଇ ପଶ୍ଚିମବଙ୍ଗ ସରକାରଙ୍କୁ ସୁପ୍ରିମ୍କୋର୍ଟଙ୍କ ତରଫରୁ ସୋମବାର ଏକ ନୋଟିସ୍ ପ୍ରଦାନ କରାଯାଇଛି। ବିଜେପି ଯୁବ ମୋର୍ଚ୍ଚା ନେତ୍ରୀ ପ୍ରିୟଙ୍କା ଶର୍ମାଙ୍କୁ ତୁରନ୍ତ ଜାମିନ୍ରେ ଛାଡିବା ନିମନ୍ତ ମେ ୧୪ରେ ସୁପ୍ରିମକୋର୍ଟ ଆଦେଶ ଦେଇଥିଲେ। ମାତ୍ର ସର୍ବୋଚ୍ଚ କୋର୍ଟଙ୍କ ନିଷ୍ପତ୍ତିକୁ ଅଣଦେଖା କରି ଶର୍ମାଙ୍କୁ ଜାମିନରେ ଛଡା ଯାଇ ନଥିଲା। ସୋମବାର ମୁଖ୍ୟ ବିଚାରପତି ରଞ୍ଜନ ଗୋଗୋଇ ପଶ୍ଚିମବଙ୍ଗ ସରକାରଙ୍କୁ ଏହି ନୋଟିସ୍ ଜାରି କରିଛନ୍ତି। ଏକ ସପ୍ତାହ ମଧ୍ୟରେ ଏହି ନୋଟିସ୍ର ଜବାବ ଦାଖଲ ପାଇଁ ପଶ୍ଚିମବଙ୍ଗ ସରକାରଙ୍କୁ ନିର୍ଦ୍ଦେଶ ଦିଆଯାଇଛି। ଉଲ୍ଲେଖଯୋଗ୍ୟ ଯ, ମେ ୧୫ ତାରିଖରେ ପ୍ରିୟଙ୍କା ଶର୍ମାଙ୍କୁ ମୁକ୍ତ ନକଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବିଚାରପତି ଇନ୍ଦୁ ମଲହୋତ୍ରା ଚେତାବନୀ ଦେଇଥିଲେ। ଏହାକୁ ବେଖାତିର କରି ପଶ୍ଚିମବଙ୍ଗ ସରକାର ପ୍ରିୟଙ୍କା ଶର୍ମାଙ୍କୁ ୧୪ ଦିନିଆ ରିମାଣ୍ଡରେ ପଠାଇଥିଲେ।
Tags:
