ଭାରତୀୟ ବିଶ୍ବକପ୍ ଅଭିଯାନକୁ ଏକ ବଡ ଝଟ୍କା ଲାଗିଛି । ଅଲରାଉଣ୍ଡର ବିଜୟ ଶଙ୍କର ଆହତ ହୋଇ ଟୁର୍ଣ୍ଣାମେଣ୍ଟରୁ ବାଦ ପଡିଛନ୍ତି । ଶିଖର ଧଓ୍ବନ୍ଙ୍କ ପରେ ଦ୍ବିତୀୟ ଖେଳାଳି ଭାବରେ ଆହତ ହୋଇ ବାଦ ପଡିଛନ୍ତି ଶଙ୍କର । ଶଙ୍କରଙ୍କ ବଦଳ ଖେଳାଳି ଭାବରେ ତୁରନ୍ତ ବିସିସିଆଇ ମୟଙ୍କ ଅଗ୍ରଓ୍ବାଲଙ୍କ ନାମ ଘୋଷଣା କରିଛି । ମୟଙ୍କ ଟିମ୍ରେ ଜଣେ ଓପ୍ନର ଭାବରେ ଯୋଗ ଦେବେ । ଯାହା ଫଳରେ ଅନ୍ୟତମ ଓପ୍ନର କେ ଏଲ୍ ରାହୁଲ ନିଜର ଚିରାଚରିତ ଚାରି ନମ୍ବର ସ୍ଥାନରେ ବ୍ୟାଟିଂ କରିପାରିବେ । ପାଦ ଆଙ୍ଗୁଠି ଭାଙ୍ଗିଯିବା ଫଳରେ ବିଜୟ ଶଙ୍କର ବିଶ୍ବକପ୍ର ଅବଶିଷ୍ଟ ମ୍ୟାଚ୍ରୁ ବାଦ ପଡିଛନ୍ତି । ସେହିପରି ମୟଙ୍କ ଅଗ୍ରଓ୍ବାଲଙ୍କ ଚୟନ ମଧ୍ୟ ଅନେକ ପ୍ରଶ୍ନବାଚୀ ସୃଷ୍ଟି କରିଛି । ଦିନିକିଆରେ ପଦାର୍ପଣ କରିନଥିବା ଏହି ଖେଳାଳିଙ୍କୁ ବିଶ୍ବକପ୍ ଦଳରେ ସାମିଲ କରାଯିବା ଅନେକଙ୍କୁ ଆଶ୍ଚର୍ଯ୍ୟ କରିଛି ।
