ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର ଦିନ ନୂଆଦିଲ୍ଲୀରେ ଭାରତର ପ୍ରଧାନ ବିଚାରପତି ଡି.ୱାଇ ଚନ୍ଦ୍ରଚୁଡଙ୍କ ଘରେ ଗଣପତି ପୂଜା ସମାରୋହରେ ଯୋଗ ଦେଇଛନ୍ତି। ବର୍ତ୍ତମାନ ବିରୋଧୀ ଦଳ ଏ ସମ୍ପର୍କରେ ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ କରିଛନ୍ତି। ଏହି ସମୟରେ ରାଜ୍ୟସଭା ସାଂସଦ ତଥା ସୁପ୍ରିମକୋର୍ଟ ବାର ଆସୋସିଏସନ ସଭାପତି କପିଲ ସିବଲ ଆଜି କହିଛନ୍ତି ଯେ, “ମୁଁ ସୋସିଆଲ ମିଡିଆରେ କିଛି ପ୍ରସାରିତ ହେବାର ଦେଖିଲି ଏବଂ ସତ କହିବାକୁ ଗଲେ ଏହାକୁ ଦେଖି ମୁଁ ଆଶ୍ଚର୍ଯ୍ୟ ହୋଇ ଯାଇଥିଲି। ମୁଁ ସୁପ୍ରିମକୋର୍ଟ ଏବଂ କୋର୍ଟରେ କାର୍ଯ୍ୟ କରିଆସୁଛି “ମୁଁ ସଂଗଠନରେ ଅଛି। ଭାଇରାଲ୍ ହେଉଥିବା ଏହି କ୍ଲିପ୍ ଦେଖି ମୁଁ ଆଶ୍ଚର୍ଯ୍ୟ ହୋଇ ଯାଇଛି। ଏହା ସୁପ୍ରିମକୋର୍ଟଙ୍କ ପାଇଁ ଠିକ୍ ନୁହେଁ।
ସମାଜବାଦୀ ପାର୍ଟିର ରାଜ୍ୟସଭା ସାଂସଦ କପିଲ ସିବଲ ଆହୁରି କହିଛନ୍ତି ଯେ, “କୌଣସି ସରକାରୀ ଅଧିକାରୀ ଏକ ବ୍ୟକ୍ତିଗତ କାର୍ଯ୍ୟକ୍ରମ ପ୍ରଚାର କରିବା ଉଚିତ୍ ନୁହେଁ। ବୋଧହୁଏ CJI ଜାଣିନଥିବେ ଯେ ଏହା ପ୍ରଚାର କରାଯାଉଛି, ଏପରି ଏକ ବ୍ୟକ୍ତିଗତ କାର୍ଯ୍ୟକ୍ରମରେ ଯିବା ପାଇଁ ପ୍ରଧାନମନ୍ତ୍ରୀଙ୍କୁ ଆଗ୍ରହ ହେବା ଉଚିତ ନୁହେଁ। ଯଦି ଏହା ବିଷୟରେ କିଛି ଚର୍ଚ୍ଚା ହେଉଛି, ତେବେ ଅନୁଷ୍ଠାନ ପାଇଁ ଏହା ଠିକ ନୁହେଁ। ”
ସୂଚନା ଅନୁଯାୟୀ ସୁପ୍ରିମକୋର୍ଟର ବରିଷ୍ଠ ଓକିଲ କପିଲ ସିବଲ କହିଛନ୍ତି ଯେ, ଏହି ସାକ୍ଷାତ ସୁପ୍ରିମକୋର୍ଟଙ୍କ ବିଷୟରେ ଅନାବଶ୍ୟକ କଳ୍ପନା ଜଳ୍ପନା କରାଯାଇପାରେ। ଏହି ପ୍ରସଙ୍ଗଟି କୌଣସି ବ୍ୟକ୍ତିବିଶେଷଙ୍କ ବିଷୟରେ ନୁହେଁ, ଏହିପରି କ୍ଲିପଗୁଡିକ ଲୋକଙ୍କ ମନରେ କି ପ୍ରଭାବ ପକାଉଛି। ତେଣୁ ଆପଣ ନିଜକୁ ଏପରି ସ୍ଥିତିରେ ପକାଇବା ଉଚିତ ନୁହେଁ, ଯେଉଁଠାରେ ଲୋକମାନେ ଅନୁଷ୍ଠାନ ବିଷୟରେ ଆଲୋଚନା କରିବେ।
