ନୂଆଦିଲ୍ଲୀ: ହରିୟାଣା ବିଧାନସଭା ନିର୍ବାଚନ ପାଇଁ ଫତେହାବାଦ ଆସନରୁ ସ୍ଵାଧୀନ ପ୍ରାର୍ଥୀ ଭାବେ ନାମାଙ୍କନ ଦାଖଲ କରିଥିବା ଗୋବିନ୍ଦ କାଣ୍ଡାଙ୍କ ନାମାଙ୍କନ ପତ୍ର ବାତିଲ କରାଯାଇଛି। ଗୋପାଳ କାଣ୍ଡାଙ୍କ ଭାଇ ତଥା ପୂର୍ବତନ ବିଜେପି ନେତା ଗୋବିନ୍ଦ କାଣ୍ଡା ଫତେହାବାଦ ଆସନରୁ ନାମାଙ୍କନପତ୍ର ଦାଖଲ କରିଥିଲେ। ଶେଷ ଦିନର ମାତ୍ର ୧୫ ମିନିଟ୍ ପୂର୍ବରୁ ନାଟକୀୟ ଢଙ୍ଗରେ ତାଙ୍କ ନାମାଙ୍କନ ଦାଖଲ କରିଥିବା ଗୋବିନ୍ଦ କାଣ୍ଡାଙ୍କ ନାମାଙ୍କନପତ୍ର ଯାଞ୍ଚ ପରେ ବାତିଲ କରାଯାଇଛି।
ପ୍ରକୃତରେ, ଗୋବିନ୍ଦ କାଣ୍ଡାଙ୍କ ନାମାଙ୍କନ ବାତିଲ ହେବାର କାରଣ ହେଉଛି ଯେ ସେ ନିଜେ ନାମାଙ୍କନ ଦାଖଲ କରିବାକୁ ଆସିନାହାଁନ୍ତି, ବରଂ ତାଙ୍କ ଆଇନ ଦଳ ପଠାଇଛନ୍ତି। ଏଭଳି ପରିସ୍ଥିତିରେ ସେ ଶପଥ ଗ୍ରହଣ କରିବାକୁ ଶାରୀରିକ ଭାବେ ଉପସ୍ଥିତ ନ ଥିବାରୁ ତାଙ୍କ ନାମାଙ୍କନପତ୍ର ବାତିଲ କରାଯାଇଛି।
ବିଜେପିର ପ୍ରାର୍ଥୀ ତାଲିକାରେ ଫତେହାବାଦ ଆସନ ପାଇଁ ପ୍ରାର୍ଥୀଙ୍କ ନାମ ପୂର୍ବରୁ ଘୋଷଣା ହୋଇସାରିଛି। ଗୋବିନ୍ଦ କାଣ୍ଡା ବିଜେପି ତରଫରୁ ଟିକେଟ ଆଶା କରୁଥିଲେ କିନ୍ତୁ ଦଳ ପୁଣିଥରେ ବିଧାୟକ ଦୁଡାରାମଙ୍କ ଉପରେ ଭରସା ପ୍ରକଟ କରି ତାଙ୍କୁ ଟିକେଟ ଦେଇଥିଲା। ଏହା ପରେ ଗୋବିନ୍ଦ କାଣ୍ଡା ନିଜେ ଫତେହାବାଦ ଆସନରୁ ସ୍ଵାଧୀନ ପ୍ରାର୍ଥୀ ଭାବେ ନାମାଙ୍କନ ଦାଖଲ କରିଥିଲେ।
ଯାଞ୍ଚ ସମୟରେ ମୋଟ ୮ ଟି ନାମାଙ୍କନପତ୍ର ଖାରଜ କରାଯାଇଥିଲା, ସେଥିମଧ୍ୟରୁ ଗୋବିନ୍ଦ କାଣ୍ଡା ଅନ୍ଯତମ। ଯେଉଁଠାରେ ଭାଇ ଗୋପାଳ କାଣ୍ଡା ସିର୍ସାରୁ ନାମାଙ୍କନପତ୍ର ଦାଖଲ କରିଛନ୍ତି।
