ଦେଶର ବିଭିନ୍ନ ରାଜ୍ୟରେ ଆଉ ୪୫ଟି ଜିଲ୍ଲାରେ ଜବାହର ନବୋଦୟ ବିଦ୍ୟାଳୟ ଖୋଲାଯିବ । ମାନବ ସଂଶାଧନ ବିକାଶ ମନ୍ତ୍ରୀ ରମେଶ ପୋଖରିୟାଲ୍ ନିଶଙ୍କ ଲୋକସଭାରେ ଏକ ପ୍ରଶ୍ନର ଉତ୍ତରେ ଏହି ସମ୍ବନ୍ଧୀୟ ସୂଚନା ଦେଇଛନ୍ତି । ନିଶଙ୍କଙ୍କ କହିବା ମତରେ – ଗ୍ରାମାଞ୍ଚଳରେ ରହୁଥିବା ପ୍ରତିଭାସମ୍ପନ୍ନ ବିଦ୍ୟାର୍ଥୀଙ୍କୁ ଉତ୍ତମ ଶିକ୍ଷା ତଥା ଭବିଷ୍ୟତ ପାଇଁ ୪୫ଟି ଜିଲ୍ଲାରେ ନବୋଦୟ ବିଦ୍ୟାଳୟ ଖୋଲାଯିବ । ଏବଂ ଏହି ବିଦ୍ୟାଳୟଗୁଡ଼ିକରେ ୭୫ ପ୍ରତିଶତ ଆସନ ଗ୍ରାମାଞ୍ଚଳର ପ୍ରତିଭା ସମ୍ପନ୍ନ ବିଦ୍ୟାର୍ଥୀଙ୍କ ପାଇଁ ସଂରକ୍ଷିତ ରହିବ । ଏହି ବିଦ୍ୟାଳୟଗୁଡ଼ିକ ଖୋଲିବା ଏକ ସତତ ପ୍ରକ୍ରିୟା । ଏହି ବିଦ୍ୟାଳୟକୁ ଖୋଲିବାର ଦାୟିତ୍ବ ରାଜ୍ୟସରକାରଙ୍କ ଉପରେ ନ୍ୟସ୍ତ ରହିଛି । ତେବେ ଏହି ବିଦ୍ୟାଳୟଗୁଡ଼ିକ କେବେ ଖୋଲିବ ସେନେଇ କୌଣସି ତାରିଖ ଠିକ୍ ହୋଇନାହିଁ ।
