ସମୀକ୍ଷା ବ୍ୟୁରୋ
ପୋଲାଭରମ କାମକୁ ତୁରନ୍ତ ବନ୍ଦ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପୁଣିଥରେ ଚିଠି ଲେଖିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଆଜି ମୁଖ୍ୟମନ୍ତ୍ରୀ ଦୁଇ ପୃଷ୍ଠାର ଏକ ଚିଠି ଲେଖି ଜଣାଇଛନ୍ତି ଯେ, ବର୍ତ୍ତମାନ ପୋଲଭରମ ମାମଲା ବିଚାରଧିନ ରହିଛି। ହେଲେ ଏହି ସମୟରେ କେନ୍ଦ୍ର ସରକାର ପୁଣିଥରେ କାମ କରିବାର ଅନୁମତି ଦେବା ଠିକ ନୁହେଁ ବୋଲି ମୁଖ୍ୟମନ୍ତ୍ରୀ ଚିଠିରେ ଉଲ୍ଲେଖ କରିଛନ୍ତି। ଏଥିରେ ମୁଖ୍ୟମନ୍ତ୍ରୀ ଲେଖିଛନ୍ତି ଯେ, ପୋଲାଭରମ ମାମଲାରେ ପ୍ରଧାନମନ୍ତ୍ରୀ ହସ୍ତକ୍ଷେପ କରନ୍ତୁ ବୋଲି ପୂର୍ବରୁ ବହୁବାର ସେ ଚିଠି ଲେଖିଛନ୍ତି। ହେଲେ ତାହା ଉପରେ କୌଣସି ପଦକ୍ଷେପ ନିଆଯାଇ ନାହିଁ। ପୋଲଭରମ ହେଲେ ରାଜ୍ୟର କେତେକ ଆଦିବାସୀ ଗାଁ କ୍ଷତିଗସ୍ତ ହେଉଛି। ବିନା ଜନଶୁଣାଣିରେ ଏହି ପ୍ରକଳ୍ପ କାର୍ଯ୍ୟ କରାଯାଉଛି। ଓଡିଶାର ସ୍ବାର୍ଥ ବାଧାପ୍ରାପ୍ତ ହେଉଥିବାରୁ ପ୍ରଧାନମନ୍ତ୍ରୀ ହସ୍ତକ୍ଷେପ କରି ତୁରନ୍ତ କାମ ବନ୍ଦ କରିବା ପାଇଁ ଆନ୍ଧ୍ର ପ୍ରଦାଶ ସରକାରଙ୍କୁ ନିର୍ଦ୍ଦେଶ ଦିଆନ୍ତୁ ବୋଲି ମୁଖ୍ୟମନ୍ତ୍ରୀ ଚିଠିରେ ଉଲ୍ଲେଖ କରିଛନ୍ତି।
