ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ବସଷ୍ଟାଣ୍ଡ ନିକଟରେ ବସ୍ ରେ ଚଢୁଥିବା ବେଳେ ଅସାବଧାନତା ବଶତଃ ଜଣେ ଯୁବକ ବସ୍ ରୁ ଖସି ଚକା ତଳେ ଚାପି ହୋଇ ଗୁରୁତର ଆହତ ହୋଇଛନ୍ତି। ଆହତ ଯୁବକ ସୋରଡ଼ା ଥାନା ଅନ୍ତର୍ଗତ ବଡବୋରସିଙ୍ଗି ର ନାମ ଜିତେନ୍ଦ୍ର ଗୌଡ ବୋଲି ଜଣାପଡିଛି। ସେ ବ୍ରହ୍ମପୁର ଆସିବା ପାଇଁ “ରାଧାକୃଷ୍ଣ” ନାମକ ସୋରଡ଼ା ରୁ ବ୍ରହ୍ମପୁର ଆସୁଥିବା ବସ୍ ରେ ଚଢୁଥିବା ବେଳେ ଦୁର୍ଘଟଣାର ସମ୍ମୁଖିନ ହୋଇଛନ୍ତି। ବସ୍ କର୍ମଚାରୀ ମାନେ ଗୁରୁତର ଜିତେନ୍ଦ୍ର କୁ ଚିକିତ୍ସା ନିମନ୍ତେ ସଙ୍ଗେ ସଙ୍ଗେ ହିଞ୍ଜିଳି ଡାକ୍ତରଖାନାରେ ଭର୍ତ୍ତି କରିଥିଲେ। କିନ୍ତୁ ଅବସ୍ଥା ଗୁରୁତର ହେବାରୁ ତାକୁ ବ୍ରହ୍ମପୁର ବଡ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ଖବର ପାଇ ହିଞ୍ଜିଳି ପୋଲିସ ଘଟଣାସ୍ଥଳରେ ପହଞ୍ଚି ବସ୍ ଜବତ କରିବା ସହ ଆହତ ଯୁବକକୁ ବଡ ଡାକ୍ତରଖାନାକୁ ପଠାଇ ଘଟଣା ର ତଦନ୍ତ ଚଳାଇଛନ୍ତି।
