ନୂଆଦିଲ୍ଲୀ: ଗତ ତିନି-ଚାରି ଦିନ ମଧ୍ୟରେ ପ୍ରାୟ ୨୦ ଟି ବିମାନକୁ ବୋମା ଧମକ ମିଳିଛି। ସୁରକ୍ଷାକୁ ଦୃଷ୍ଟିରେ ରଖି ଏହି ବିମାନଗୁଡ଼ିକୁ ସେମାନଙ୍କର ମାର୍ଗ ଏବଂ ବିଭିନ୍ନ ସ୍ଥାନରେ ଅବତରଣ କରିବାକୁ ପଡିଛି। ଏହି ଧାରା ଗୁରୁବାରରେ ମଧ୍ୟ ଜାରି ରହିଥିଲା। ମୁମ୍ବାଇରୁ ଲଣ୍ଡନ ଯାଉଥିବା ଏକ ଏୟାର ଇଣ୍ଡିଆ ବିମାନରେ ବୋମା ଧମକ ଆସିଥିଲା। ବୋମା ଧମକ ପାଇବା ପରେ ବ୍ରିଟେନ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ଯୁଦ୍ଧ ବିମାନ ଆକାଶକୁ ପଠାଇଲା।
ସୂଚନା ଅନୁଯାୟୀ, ଯାତ୍ରୀବାହୀ ବିମାନରେ ବିପଦ ସଙ୍କେତ ଦେଖାଯିବା ମାତ୍ରେ ରୟାଲ ବାୟୁସେନା (ଆରଏଫ) ବିମାନକୁ ସୁରକ୍ଷା ଦେବା ପାଇଁ ‘ଟାଇଫୁନ୍’ ଯୁଦ୍ଧ ବିମାନ ପଠାଇଥିଲା। ବିମାନ ଅଧିକାରୀମାନେ ସୂଚନା ଦେଇଛନ୍ତି ଯେ, ବୋମା ବିପଦ ସତ୍ତ୍ୱେ ବିମାନଟି ସୁରକ୍ଷିତ ଭାବେ ଲଣ୍ଡନରେ ଅବତରଣ କରିଛି।
