ନୂଆଦିଲ୍ଲୀ: ଆମ୍ ଆଦମୀ ପାର୍ଟି ବିଜେପି ବିରୋଧରେ ଏକ ବଡ ଅଭିଯୋଗ ଆଣିଛି। AAP ଅଭିଯୋଗ କରିଛି ଯେ, ଦିଲ୍ଲୀର ବିକାଶପୁରୀରେ ପଦଯାତ୍ରା ସମୟରେ ଅରବିନ୍ଦ କେଜ୍ରିୱାଲଙ୍କ ଉପରେ ବିଜେପି ଗୁଣ୍ଡ ଆକ୍ରମଣ କରିବାକୁ ଚେଷ୍ଟା କରିଛି। ବିଜେପି ଏହି ଆକ୍ରମଣ କରିଛି। ଦଳ ଅଭିଯୋଗ କରିଛି ଯେ, ପୋଲିସ ବିଜେପି ଲୋକଙ୍କୁ ଅଟକାଇ ନାହିଁ।
ଦିଲ୍ଲୀ ମନ୍ତ୍ରୀ ତଥା ଏଏପି ମୁଖପାତ୍ର ସୌରଭ ଭରଦ୍ୱାଜ କହିଛନ୍ତି ଯେ, ଯେତେବେଳେ ଇଡି, ସିବିଆଇ ଏବଂ ଜେଲ ଦ୍ଵାରା ସଫଳତା ମିଳିଲା ନାହିଁ, ସେତେବେଳେ ବିଜେପି ଲୋକମାନେ ଅରବିନ୍ଦ କେଜ୍ରିୱାଲଙ୍କୁ ଆକ୍ରମଣ କରୁଛନ୍ତି। ଯଦି ସେମାନଙ୍କ ସହ କିଛି ଘଟେ ତେବେ ବିଜେପି ଏଥିପାଇଁ ସିଧାସଳଖ ଦାୟୀ ରହିବ।
ଦିଲ୍ଲୀର ପୂର୍ବତନ ଉପ-ମୁଖ୍ୟମନ୍ତ୍ରୀ ମନୀଷ ସିସୋଦିଆ କହିଛନ୍ତି ଯେ, “ଅରବିନ୍ଦ କେଜ୍ରିୱାଲ ଜିଙ୍କ ଉପରେ ହୋଇଥିବା ଆକ୍ରମଣ ଅତ୍ୟନ୍ତ ନିନ୍ଦନୀୟ ଏବଂ ଚିନ୍ତାଜନକ। ଏଥିରୁ ସ୍ପଷ୍ଟ ଯେ ବିଜେପି ଏହି ଆକ୍ରମଣ କରିଛି। ଯଦି ଅରବିନ୍ଦ କେଜ୍ରିୱାଲ ଜିଙ୍କ ସହ କିଛି ଘଟେ, ତେବେ ଏଇଥିପାଇଁ ବିଜେପି ସଂପୂର୍ଣ୍ଣ ଦାୟୀ ରହିବ। ଆମେ ଭୟ କରିବୁ ନାହିଁ – ଆମ୍ ଆଦମୀ ପାର୍ଟି ଏହାର ମିଶନ ଜାରି ରଖିବ।
ଭିଡିଓ ରିଲିଜ୍ କରି AAP ସାଂସଦ ସଞ୍ଜୟୟ ସିଂ କହିଛନ୍ତି ଯେ, “ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଏବଂ ଆମ୍ ଆଦମୀ ପାର୍ଟିର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିୱାଲ ଆଜି ବିକାଶପୁରୀ ଅଞ୍ଚଳରେ ପଦଯାତ୍ରା କରୁଥିଲେ। ସେହି ସମୟରେ ତାଙ୍କୁ ଭାରତୀୟ ଜନତା ପାର୍ଟିର ଲୋକମାନେ ଆକ୍ରମଣ କରିଥିଲେ। ଏହା ଅତ୍ୟନ୍ତ ଦୁଃଖଦାୟକ।” ଏହା ଏକ ଗମ୍ଭୀର ବିଷୟ ଯେ ସେ ନିଜ ଦଳ ପାଇଁ ପ୍ରଚାର କରୁଥିବାବେଳେ ଅରବିନ୍ଦ କେଜ୍ରିୱାଲଙ୍କୁ ହତ୍ୟା କରିବା ପାଇଁ ଉଦ୍ୟମ କରାଯାଇଥିଲା।
ପ୍ରକାଶ ଯେ, ଆସନ୍ତା ବର୍ଷ ହେବାକୁ ଥିବା ଦିଲ୍ଲୀ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି AAP ନେତାମାନେ ଜନସମ୍ପର୍କରେ ଜଡିତ ହୋଇଥିଲେ। ପୂର୍ବତନ ମୁଖ୍ୟମନ୍ତ୍ରୀ କେଜ୍ରିୱାଲଙ୍କ ସମେତ ଦଳର ଅନେକ ବଡ ନେତା ବିଭିନ୍ନ କ୍ଷେତ୍ରରେ ପଦଯାତ୍ରା କରି ଲୋକଙ୍କୁ ଭେଟୁଛନ୍ତି।