ମୁମ୍ବାଇ: ମହାରାଷ୍ଟ୍ର ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଏକନାଥ ସିନ୍ଦେ ଦଳର ଶିବସେନା ସୋମବାର ଦିନ ତୃତୀୟ ତାଲିକା ପ୍ରକାଶ କରିଛି। ଏହି ତାଲିକାରେ ଶିବସେନାର ୧୩ ଜଣ ପ୍ରାର୍ଥୀଙ୍କ ତାଲିକା ପ୍ରକାଶ ପାଇଛି। ଏଥିରେ ବିଜେପି ନେତା ଶାଇନା ଏନସିଙ୍କ ନାମ ମଧ୍ୟ ଅନ୍ତର୍ଭୁକ୍ତ ହୋଇଛି। ସିନ୍ଦେ ଦଳ ମୁମ୍ବାଦେବୀ ବିଧାନସଭା ଆସନରୁ ସାଇନା ଏନସିଙ୍କୁ ପ୍ରାର୍ଥୀ କରିଛି।
ଏକନାଥ ସିନ୍ଦେ ଦଳ ଦ୍ୱାରା ପ୍ରକାଶିତ ଏହି ତାଲିକାରେ ୧୩ ଜଣ ଶିବସେନା ପ୍ରାର୍ଥୀଙ୍କ ବ୍ୟତୀତ୨ ସହଯୋଗୀ ଦଳର ଆସନ ମଧ୍ୟ ଉଲ୍ଲେଖ କରାଯାଇଛି। ଜନସୁରାଜ୍ୟକୁ ଶିବସେନା କୋଟାରୁ ଗୋଟିଏ ଆସନ ମିଳିଛି। ହାତକଣଙ୍ଗଲେ ଆସନରୁ ଜନସୁରାଜ୍ୟ ପକ୍ଷର ପ୍ରାର୍ଥୀ ଅଶୋକରାଓ ମାନେ ହେବେ।
