ଶୁକ୍ରବାର କେନ୍ଦ୍ର ସରକାର 2019-20 ଆର୍ଥିକବର୍ଷ ନିମନ୍ତେ ସାଧାରଣ ବଜେଟ୍ ଉପସ୍ଥାପନ କରିବାକୁ ଯାଉଛନ୍ତି। ସଂସଦରେ ଅର୍ଥ ମନ୍ତ୍ରୀ ନିର୍ମଳା ସୀତାରମଣ ବଜେଟ୍ ଆଗତ କରିବେ। ୧୧ଟାରେ ଅର୍ଥମନ୍ତ୍ରୀ ସଂସଦରେ ତାଙ୍କର ବଜେଟ୍ ଭାଷଣ ରଖିବେ। ଦ୍ବିତୀୟବାର କ୍ଷମତାକୁ ଆସିବା ପରେ ମୋଦୀ ସରକାରଙ୍କର ଏହା ହେଉଛି ପ୍ରଥମ ବଜେଟ୍। ତେବେ ଚଳିତବର୍ଷ ଦ୍ବିତୀୟ ଥର ପାଇଁ ମଧ୍ୟ ସଂସଦରେ ଏହି ବଜେଟ୍ ଉପସ୍ଥାପନ କରାଯିବ। ଦେଶରେ ସାଧାରଣ ନିର୍ବାଚନ ଥିବା ଦୃଷ୍ଟିରୁ ଫେବୃଆରୀରେ କେନ୍ଦ୍ର ଅର୍ଥମନ୍ତ୍ରୀ ପୀୟୂଷ ଗୋୟଲ ଅନ୍ତରୀଣ ବଜେଟ୍ ଉପସ୍ଥାପନ କରିଥିଲେ। ଅନ୍ୟପକ୍ଷରେ ଅନ୍ତରୀଣ ବଜେଟ୍କୁ ମିଶାଇଲେ ଏହା ହେଉଛି ଦେଶର 89ତମ ବଜେଟ୍। ସାଧାରଣତଃ କେନ୍ଦ୍ର ବଜେଟ୍ ଉପସ୍ଥାପନର ସମୟସୀମା 90 ରୁ 120 ମିନିଟ୍ ମଧ୍ୟରେ ରହିଥାଏ। ଚଳିତଥର ବଜେଟ୍ରେ ମଧ୍ୟ ଏହି ସମାନ ଅବଧି ଆଶା କରାଯାଉଛି।
Tags:
