ଚକୋଲେଟ୍ ଦେବା ବାହାନାରେ ଦୁଇ ସମ୍ପର୍କୀୟ ଭଉଣୀଙ୍କୁ ଦୁଷ୍କର୍ମ କରିଛି ଯୁବକ । ଦୁଇ ଭଉଣୀଙ୍କ ସହିତ ଦାଦା ପୁଅ ଭାଇ ଦୁଷ୍କର୍ମ କରିଛି । ଏଭଳି ଏକ ଲଜ୍ଜା ଜନକ ଘଟଣା ଘଟିଛି ବାଲେଶ୍ୱର ଜିଲ୍ଲା ଖନ୍ତାପଡ଼ା ଥାନା ଅଂଚଳରେ । ଦୁଇ ଭଉଣୀଙ୍କ ବୟସ 11 ଓ 7 ବର୍ଷ ହୋଇଥିବା ଜଣାପଡ଼ିଛି । ପରିବାର ଲୋକଙ୍କ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି । ଗତ ମଙ୍ଗଳବାର ଦିନ ଦୁଇ ଭଉଣୀ ଖେଳୁବାବେଳେ ଦାଦାପୁଅ ଭାଇ ଚକୋଲେଟ ଦେବା ବାହାନାରେ ସେମାନଙ୍କୁ ନିଜ ଘରକୁ ଡାକି ନେଇଥିଲା । ପ୍ରଥମେ ମୋବାଇଲ୍ରେ ସେ ଦୁଇ ଭଉଣୀଙ୍କୁ କାର୍ଟୁନ ଭିଡ଼ିଓ ଦେଖାଇଥିଲା । ପରେ ସେମାନଙ୍କୁ ଅଶ୍ଲୀଳ ଭିଡିଓ ଦେଖାଇ ପିଶାଚ ଭାଇ ଦୁଇ ଭଉଣୀଙ୍କ ସହିତ ବଳାତ୍କାର କରିଥିଲା । ଏ ଘଟଣା ବାହାରେ ପ୍ରଘଟ ନ କରିବାକୁ ହତ୍ୟା ଧମକ ମଧ୍ୟ ଦେଇଥିଲା । ତେବେ ଗତକାଲି ରାତିରେ ଦୁଇ ଭଉଣୀ ପରିସ୍ରା କରିବାବେଳେ ବହୁତ ଯନ୍ତ୍ରଣା ଅନୁଭବ କରିଥିଲେ । ପରେ ମା’ ପଚାରିବାରୁ ଦୁଇ ଭଉଣୀ ଘଟଣା ସମ୍ପର୍କରେ କହିଥିଲେ । ଏ ନେଇ ଖୋଳତାଡ଼ କରାଯିବା ପରେ ସଂପୃକ୍ତ ଅଭିଯୁକ୍ତ ଘଟଣାକୁ ସ୍ୱୀକାର କରିବା ପରେ ଥାନାରେ ଏତଲା ଦିଆଯାଇଛି ।
