ଶୁକ୍ରବାର ସଂସଦରେ ବଜେଟ୍ ଉପସ୍ଥାପନ ଅବସରରେ ନିର୍ମଳା ସୀତାରମଣ ପ୍ରଧାନମନ୍ତ୍ରୀ ଆବାସ ଯୋଜନାରେ 1.95 କୋଟି ଯୋଗ୍ୟ ହିତାଧିକାରୀଙ୍କୁ ଘର ମିଳିବ ବୋଲି ଘୋଷଣା କରିଛନ୍ତି । ଆସନ୍ତା ଦୁଇଟି ଆର୍ଥିକ ବର୍ଷ ମଧ୍ୟରେ ଏହି ଲକ୍ଷ୍ୟ ପୂରଣ କରାଯିବ ବୋଲି ସୀତାରମଣ ପ୍ରକାଶ କରିଛନ୍ତି । ପୂର୍ବରୁ ଏହି ଯୋଜନାରେ ଘର ସମ୍ପୂର୍ଣ୍ଣ କରିବା ନିମନ୍ତେ 314 ଦିନ ଧାର୍ଯ୍ୟ କରାଯାଇଥିବା ବେଳେ ବର୍ତ୍ତମାନ ଏହାକୁ 114 ଦିନକୁ ହ୍ରାସ କରାଯାଇଥିବା ନେଇ ସୀତାରମଣ ସୂଚନା ଦେଇଛନ୍ତି । ଏହା ସହିତ ସମସ୍ତ ଘରକୁ ବିଦ୍ୟୁତ୍, ଏଲ୍ପିଜି ଏବଂ ଟଏଲେଟ୍ ବ୍ୟବସ୍ଥା ପ୍ରଦାନ କରାଯିବ ବୋଲି ନିର୍ମଳା ସୀତାରମଣ ସୂଚନା ଦେଇଛନ୍ତି ।
Tags:
