ଦୁଇ ବଲିଉଡ୍ ଅଭିନେତ୍ରୀ ଦିବ୍ୟା ଦତ୍ତା ଏବଂ ସ୍ବରା ଭାସ୍କର ନିଜର ଆସନ୍ତା ବଲିଉଡ୍ ଫିଲ୍ମରେ ସମଲିଙ୍ଗୀ ପାର୍ଟନର ଭୂମିକାରେ ନଜର ଆସିବେ । ସର୍ବଦା ଶକ୍ତିଶାଳୀ ଚରିତ୍ରରେ ଅଭିନୟ କରିବା ପାଇଁ ଉଭୟ ଅଭିନେତ୍ରୀ ପ୍ରସିଦ୍ଧ ଥିବା ବେଳେ ଏହି ଚରିତ୍ରକୁ ସଠିକ୍ ଭାବରେ ନିଭାଇ ପାରିବେ ବୋଲି ଆଶା କରାଯାଉଛି । ଫରାଜ୍ ଆରିଫ୍ ଅନ୍ସାରୀଙ୍କ ନିର୍ଦ୍ଦେଶିତ ଏହି ଫିଲ୍ମର ନାମ ଶୀର୍ କୁର୍ମା ରହିଛି । ଏଲ୍ଜିବିଟିକ୍ୟୁ ଜାତି ସମୁଦାୟ ନିମନ୍ତେ ଏହି ଦୁଇ ଅଭିନେତ୍ରୀ ସର୍ବଦା ନିଜର ସ୍ବର ଉତ୍ତୋଳନ କରିଥାନ୍ତି ତେଣୁ ଏହି ଭୂମିକା ନିମନ୍ତେ ଏହି ଦୁଇ ଅଭିନେତ୍ରୀ ଶ୍ରେଷ୍ଠ ବିକଳ୍ପ ବୋଲି ନିର୍ଦ୍ଦେଶକ କହିଛନ୍ତି । ଏହି ଦୁଇ ଅଭିନେତ୍ରୀଙ୍କ ବ୍ୟତିତ ବରିଷ୍ଠ ଅଭିନେତ୍ରୀ ସୁରେଖା ସିକ୍ରି ମଧ୍ୟ ଏକ ଗୁରୁତ୍ବପୂର୍ଣ୍ଣ ଚରିତ୍ରରେ ନଜର ଆସିବାକୁ ଯାଉଛନ୍ତି । ଦୁଇ ମହିଳାଙ୍କ ମଧ୍ୟରେ ରହିଥିବା ସମ୍ପର୍କ ଏବଂ ଏହାକୁ ନେଇ ସମାଜର ଦୃଷ୍ଟିଭଙ୍ଗୀ କାହାଣୀରେ ପ୍ରଦର୍ଶିତ କରାଯାଇଛି ବୋଲି ନିର୍ଦ୍ଦେଶକ ଫରାଜ୍ ଆରିଫ୍ ଅନ୍ସାରୀ ପ୍ରକାଶ କରିଛନ୍ତି ।
