ନବରଙ୍ଗପୁର: ସରକାରୀ ବ୍ୟାଙ୍କ ଆକାଉଣ୍ଟକୁ ହ୍ୟାକ୍ ପାଇଁ ଉଦ୍ୟମ ବିଫଳ ହୋଇଛି। ମିଳିଥିବା ସୂଚନା ଅନୁଯାୟୀ ନବରଙ୍ଗପୁର ଜିଲ୍ଲାପାଳଙ୍କ କାର୍ଯ୍ୟାଳୟରୁ ଏକ ଚିଠି ସ୍ପିଡ୍ ପୋଷ୍ଟ ଯୋଗେ ନବରଙ୍ଗପୁର ବ୍ୟାଙ୍କ ଅଫ ଇଣ୍ଡିଆକୁ ଆସିଥିଲା। ଉକ୍ତ ଚିଠିରେ ଉଲ୍ଲେଖ ରହିଥିଲା ଯେ ଏକ ନିର୍ଦ୍ଧିଷ୍ଟ ବ୍ୟାଙ୍କ ଏକାଉଣ୍ଟରେ ଫୋନ ନଂ ୭୦୪୪୮୭୭୧୨୭ କୁ ଅପଡେଟ୍ କରାଯାଉ। ଯାହା ଫଳରେ ଜିଲ୍ଲାପରିଷଦ ମ୍ୟାନେଜିଂ ଟ୍ରଷ୍ଟିର ଏକାଉଣ୍ଟକୁ ଏହି ମୋବାଇଲନଂରେ ଏକାଉଣ୍ଟର ଡେବିଟ୍ ଓ କ୍ରେଡିଟ୍ ର ସମସ୍ତ ଟ୍ରାନଜେକ୍ସନ୍ ର ଏସଏମଏସ୍ ଆଲାର୍ଟ ଆସିପାରିବ।
ଉକ୍ତ ଚିଠିରେ ଜିଲ୍ଲାପାଳ ଓ ଜିଲ୍ଲାପରିଷଦ ମୁଖ୍ୟ ଉନ୍ନୟନ ଅଧିକାରୀଙ୍କ ଦସ୍ତଖତ ରହିଥିଲା। ଏହି ଚିଠି ଗତ ୧୧ ତାରିଖରେ ହେବା ଭଳି ଦର୍ଶାଯାଇଛି। ତେବେ ଜିଲ୍ଲାପାଳଙ୍କ ଦସ୍ତଖତ ପୂର୍ବତନ ଜିଲ୍ଲାପାଳ କୋମଳ ଲୋଚନ ମିଶ୍ରଙ୍କ ଦସ୍ତଖତ ସହ ମେଳ ଖାଉଥିଲା। ଏହି ଦସ୍ତଖତକୁ ନେଇ ବ୍ୟାଙ୍କ ଶାଖା ପରିଚାଳକ ସନ୍ଦେହ ସୃଷ୍ଟି ହୋଇଥିଲା। ଶାଖା ପରିଚାଳକ ଏହି ଚିଠିକୁ ନେଇ ଜିଲ୍ଲାପାଳଙ୍କ ନଜରକୁ ଆଣିଥିଲେ। ଏହି ଚିଠି ନକଲ ବୋଲି ଜଣାପଡିଥିଲା।
ତେବେ ଏହି ଚିଠି ନବରଙ୍ଗପୁର ପୋଷ୍ଟ ଅଫିସରୁ ହିଁ ପଠାଯାଇଥିବା ଜଣାପଡିଛି। ଯଦି ଏହି ମୋବାଇଲ ନଂ କୁ ଉକ୍ତ ଏକାଉଣ୍ଟ ନଂ ରେ ଅପଡେଟ୍ ହୋଇଥାନ୍ତା ତେବେ ଏକାଉଣ୍ଟର ସମସ୍ତ ତଥ୍ୟ ହ୍ୟାକର ଜାଣିପାରିଥାନ୍ତା। ଏବଂ ପୁଣିଥରେ ଚିଠି କରି ବିଭିନ୍ନ ଏକାଉଣ୍ଟ ରେ ଟଙ୍କା ପଠାଇବା ପାଇଁ ଚିଠି କରି ସରକାରୀ ଟଙ୍କା ହଡପ କରିବା ପାଇଁ ଉଦ୍ୟମ କରିଥାନ୍ତା ବୋଲି ଜଣାପଡିଛି।
