ନୂଆଦିଲ୍ଲୀ: ଆଜି ଖେବର ପୁଖ୍ତୁନଖୱାରେ ଏକ ଯାତ୍ରୀବାହୀ ଭ୍ୟାନ ଉପରେ ବନ୍ଧୁକ ଆକ୍ରମଣ ଯୋଗୁଁ ୯ ବର୍ଷର ବାଳିକା ଓ ଅନେକ ମହିଳାଙ୍କ ସମେତ ୪୪ ଜଣଙ୍କର ମୃତ୍ୟୁ ଘଟିଥିବା ବେଳେ ୫୦ ରୁ ଅଧିକ ଲୋକ ଆହତ ହୋଇଛନ୍ତି। ଉତ୍ତର ପଶ୍ଚିମ ପାକିସ୍ତାନରେ ଶିଆ ମୁସଲମାନ ସାଧାରଣ ନାଗରିକଙ୍କୁ ନେଇ ଯାତ୍ରୀବାହୀ ଯାନ ଉପରେ ବନ୍ଧୁକଧାରୀମାନେ ଗୁଳି ଚଳାଇଥିଲେ। ନିକଟ ଅତୀତରେ ଏହି ଅଞ୍ଚଳରେ ହୋଇଥିବା ଘାତକ ଆକ୍ରମଣ ମଧ୍ୟରୁ ଏହା ଅନ୍ୟତମ।
ଗଣମାଧ୍ୟମ ଅନୁଯାୟୀ ଅହମ୍ମଦୀ ଶମା ଷ୍ଟେସନ୍ ହାଉସ୍ ଅଧିକାରୀ କାଲିମ ଶାହା କହିଛନ୍ତି ଯେ, ତିନିଜଣ ମହିଳାଙ୍କ ସମେତ ୩୯ ଜଣଙ୍କର ମୃତ୍ୟୁ ଘଟିଛି। ତେବେ ତାଙ୍କ ବିବୃତ୍ତି ପରେ ମୃତ୍ୟୁସଂଖ୍ୟା ବୃଦ୍ଧି ପାଇଛି।
