ନୂଆଦିଲ୍ଲୀ: ସଂସଦର ଶୀତକାଳୀନ ଅଧିବେଶନ ଆଜି ପୁଣି ୧୧ ଟାରୁ ଆରମ୍ଭ ହୋଇଛି। ସୋମବାର ଠାରୁ ଆରମ୍ଭ ହୋଇଥିବା ଶୀତ ଅଧିବେଶନ ଡିସେମ୍ବର ୨୦ ତାରିଖ ପର୍ଯ୍ୟନ୍ତ ଚାଲିବ। ତେବେ ସୋମବାର ଆରମ୍ଭ ହେବାର କିଛି ସମୟ ପରେ ଅଧିବେଶନ ମୁଲତବୀ ହୋଇଥିଲା। ମଙ୍ଗଳବାର ସମ୍ବିଧାନ ଦିବସର ୭୫ ତମ ବାର୍ଷିକୀ ହେତୁ ଲୋକସଭା ଓ ରାଜ୍ୟସଭାରେ ଅଧିବେଶନ ବୁଧବାର ପର୍ଯ୍ୟନ୍ତ ମୂଳତବୀ ରଖାଯାଇଥିଲା। ସୂଚନାନୁସାରେ, ୱାକଫ ବିଲ୍ ଶୀତକାଳୀନ ଅଧିବେଶନରେ ଏନଡିଏ ସରକାରଙ୍କ ଦ୍ଵାରା ପୁଣି ଥରେ ଉପସ୍ଥାପିତ ହେବ। ଏହା ବ୍ୟତୀତ ଅନ୍ୟ ୧୬ ଟି ଗୁରୁତ୍ୱପୂର୍ଣ୍ଣ ବିଲ୍ ମଧ୍ୟ ଆଗତ କରାଯିବ।
ବିରୋଧୀଙ୍କ ହଟ୍ଟଗୋଳ ପରେ ଉଭୟ ଗୃହକୁ ଆଜି ମଧ୍ୟ ମୁଲତବୀ କରାଯାଇଛି। ଅପରାହ୍ନ ୧୨ ଯାଏଁ ଗୃହକୁ ମୁଲତବୀ କରାଯାଇଛି।