କଂଗ୍ରେସ ଜେଡିଏସ୍ ମେଣ୍ଟ ସରକାର ଏବେ ସଂକଟରେ । ବିଗତ ଏକ ସପ୍ତାହ ଧରି କର୍ଣ୍ଣାଟକ ରାଜନୀତିରେ ଇସ୍ତଫା ରାଜନୀତି ଚାଲିଥିବା ବେଳେ ଶେଷରେ ବିଦ୍ରୋହୀ କଂଗ୍ରେସ ବିଧାୟକ କୁମାରସ୍ବାମୀ ସରକାରରୁ ନିଜର ଇସ୍ତଫା ପ୍ରଦାନ କରିଛନ୍ତି । ଉପ ମୁଖ୍ୟମନ୍ତ୍ରୀ ଜି ପରମେଶ୍ବର ଅସନ୍ତୁଷ୍ଟ ବିଧାୟକଙ୍କୁ ପ୍ରାତଃ ଭୋଜନ ନିମନ୍ତେ ଆମନ୍ତ୍ରଣ କରିଥିଲେ ମଧ୍ୟ ଅସନ୍ତୁଷ୍ଟ ବିଧାୟକ ମାନେ ଏଥିରେ ଯୋଗ ଦେଇନଥିଲେ ।ଏହା ସହିତ ସୋମବାର ସକାଳୁ ଜଣେ ସ୍ବାଧୀନ ବିଧାୟକ ନାଗେଶ ନିଜର ସମର୍ଥନ ପ୍ରତ୍ୟାହାର କରି ନେଇଛନ୍ତି । ନାଗେଶଙ୍କ ବ୍ୟତୀତ କଂଗ୍ରେସ ବିଧାୟିକା ସୌମ୍ୟା ରେଡ୍ଡୀ ମଧ୍ୟ ଇସ୍ତଫା ପ୍ରଦାନ କରିଛନ୍ତି । ଏହି ଇସ୍ତଫା ଫଳରେ କର୍ଣ୍ଣାଟକ ବିଧାନସଭାର ମ୍ୟାଜିକ୍ ନମ୍ବର ୧୦୬ କୁ ହ୍ରାସ ପାଇଛି । ବିଜେପି ନିକଟରେ୧୦୫ ସଦସ୍ୟଙ୍କ ସମର୍ଥନ ରହିଥିବାବେଳେ ନାଗେଶଙ୍କ ସମର୍ଥନ ସହାୟତାରେ ଏହି ମ୍ୟାଜିକ୍ ନମ୍ବର ହାସଲରେ ସକ୍ଷମ ହେବ । ସୂଚନାଯୋଗ୍ୟ ଯେ, ଶନିବାର କଂଗ୍ରେସ ଏବଂ ଜେଡିଏସର ୧୧ ଜଣ ବିଧାୟକ ନିଜ ପଦରୁ ଇସ୍ତଫା ଦେଇଥିଲେ । ବାଚସ୍ପତିଙ୍କ ଅନୁପସ୍ଥିତିରେ ସଚିବଙ୍କୁ ବିଧାୟକମାନେ ଇସ୍ତଫା ପତ୍ର ପ୍ରଦାନ କରିଥିଲେ । ବାଚସ୍ପତି ଇସ୍ତଫାକୁ ଗ୍ରହଣ କରିଥିଲେ ମଧ୍ୟ ଏହାର ଯାଞ୍ଚ ବାକିଥିବା ଜଣାପଡିଛି ।
