ଭାରତୀୟ କ୍ରିକେଟର ପ୍ରିନ୍ସ ତଥା ପୂର୍ବତନ ଅଧିନାୟକ ସୌରଭ ଗାଙ୍ଗୁଲି 47 ବର୍ଷରେ ପଦାର୍ପଣ କରିଛନ୍ତି । ଜୁଲାଇ ; 1972 ମସିହାରେ ପଶ୍ଚିମବଙ୍ଗର କଲିକତାରେ ଜନ୍ମଗ୍ରହଣ କରିଥିଲେ ସୌରଭ । ଭାରତୀୟ କ୍ରିକେଟ୍କୁ ଏକ ନୂତନ ଦିଶା ପ୍ରଦାନ କରିଥିବା ଗାଙ୍ଗୁଲି ଭାରତୀୟ ଅଧିନାୟକ ଭାବରେ ବିଦେଶରେ ଭଲ ପ୍ରଦର୍ଶନ କରିଥିଲେ । ନିଜ କ୍ୟାରିୟରରେ ଗାଙ୍ଗୁଲି 113ଟି ଟେଷ୍ଟ, 311ଟି ଦିନିକିଆ ମ୍ୟାଚ୍ ଖେଳିଛନ୍ତି । 113 ଟେଷ୍ଟରୁ 42.17ର ହାରାହାରି ସହିତ 7212 ରନ୍ ସଂଗ୍ରହ କରିଥିବା ବେଳେ ତନ୍ମଧ୍ୟରେ 16ଟି ଶତକ ଏବଂ 35ଟି ଅର୍ଦ୍ଧଶତକ ସାମିଲ ରହିଛି । ସେହିପରି ଦିନିକିଆରେ ଗାଙ୍ଗୁଲି 311ଟି ଦିନିକିଆରୁ 11363 ରନ୍ ସଂଗ୍ରହ କରିଛନ୍ତି । 41.02 ହାରାହାରି ସହିତ 22ଟି ଶତକ ଏବଂ 72 ଅର୍ଦ୍ଧଶତକ ହାସଲ କରିଛନ୍ତି ଗାଙ୍ଗୁଲି । ଟେଷ୍ଟରେ ଗାଙ୍ଗୁଲି 32ଟି ଓ୍ବିକେଟ୍ ହାସଲ କରିଥିବା ବେଳେ ଦିନିକିଆରେ 100 ଓ୍ବିକେଟ ହାସଲ କରିଛନ୍ତି । ନିଜ ଅଧିନାୟକତ୍ବରେ ଭାରତକୁ ଉଭୟ ଟେଷ୍ଟ ଏବଂ ଦିନିକିଆରେ ଏକ ନମ୍ବର ସ୍ଥାନକୁ ନେଇଥିଲେ ଗାଙ୍ଗୁଲି 2004ରେ ତାଙ୍କୁ ଭାରତ ସରକାରଙ୍କ ପକ୍ଷରୁ ପଦ୍ମ ବିଭୂଷଣରେ ସମ୍ମାନିତ କରାଯାଇଥିଲା ।
