ଓ୍ବିମ୍ବିଲଡନ୍ରେ ଅଭ୍ୟାସ ପିଚ୍ ଖରାପ କରିବା ମାମଲାରେ ପୂର୍ବତନ ଚାମ୍ପିୟନ୍ ସେରେନା ଓ୍ବିଲିୟମ୍ସଙ୍କୁ ୧୦ ହଜାର ଡଲାର ଅର୍ଥରାଶିରେ ଦଣ୍ଡିତ କରାଯାଇଛି। ଓ୍ବିମ୍ବିଲଡନ୍ର କ୍ବାର୍ଟର ଫାଇନାଲ୍ରେ ପହଞ୍ଚି ସାରିଥିବା ବେଳେ ସୋମବାର କାର୍ଲା ସୁଆରେଜ୍ଙ୍କୁ ପରାସ୍ତ କରି କ୍ବାର୍ଟରରେ ପହଞ୍ଚିଛନ୍ତି ସେରେନା। ଇଟାଲୀର ଫାବିଓ ଫୋଗନିନିଙ୍କୁ ୩ ହଜାର ଡଲାରର ଅର୍ଥ ଦଣ୍ଡାଦେଶ ପ୍ରଦାନ କରାଯାଇଛି। ତୃତୀୟ ରାଉଣ୍ଡ ପରାଜୟ ପରେ ଓ୍ବିମ୍ବିଲଡନ୍ରେ ବୋମା ପଡିଯିବା ଦରକାର ବୋଲି କହିଥିବାରୁ ଏହି ଦଣ୍ଡାଦେଶ କରାଯାଇଛି। ଅଷ୍ଟ୍ରେଲିଆର ନିକ୍ କିର୍ଗିଓସ୍ଙ୍କ ଉପରେ ଦୁଇଟି ଅର୍ଥ ଦଣ୍ଡ ଲଗା ହୋଇଛି। ପ୍ରଥମ ରାଉଣ୍ଡରେ ନିକ୍ଙ୍କୁ ୩ ହଜାର ଡଲାରର ଅର୍ଥଦଣ୍ଡ ପ୍ରଦାନ କରାଯାଇଥିବା ବେଳେ ଦ୍ବିତୀୟ ରାଉଣ୍ଡ ପାଇଁ ୫ ହଜାର ଡଲାର ପ୍ରଦାନ କରାଯିବ। ଅଣ ଖେଳୁଆଡ ମନୋଭାବ ପାଇଁ ଏହି ଦଣ୍ଡାଦେଶ ପ୍ରଦାନ କରାଯାଇଛି। ଦ୍ବିତୀୟ ରାଉଣ୍ଡରେ କିର୍ଗିଓସ୍ ନାଦାଲଙ୍କ ନିକଟରୁ ୪ଟି ସେଟ୍ରେ ପରାସ୍ତ ହୋଇଥିଲେ।
Tags:
