ବଜେଟ୍ର ଗୋଟିଏ ଦିନ ପରେ ପେଟ୍ରୋଲ ଏବଂ ଡିଜେଲ ମୂଲ୍ୟରେ ବୃଦ୍ଧି ଘଟିଥିବା ବେଳେ ଆଜି ଏଥିରେ ହ୍ରାସ ଘଟିଛି । ଇଣ୍ଡିଆନ ଅଏଲର ତଥ୍ୟାନୁସାରେ, ଦିଲ୍ଲୀରେ ଆଜି ପେଟ୍ରୋଲ ଦର ୭୨.୯୦ ଥିବା ବେଳେ ଡିଜେଲ ୬୬.୪୯ଟଙ୍କା ରହିଛି। ସେହିପରି ମୁମ୍ବାଇରେ ପେଟ୍ରୋଲ ଦର ୭୮.୫୨ଟଙ୍କା, ଜିଜେଲ ୬୯.୬୯ ଟଙ୍କା, କୋଲକାତାରେ ପେଟ୍ରୋଲ ୭୫.୧୨ ଓ ଡିଜେଲ ୬୮.୪୮ ଟଙ୍କା ରହିଛି। ଦେଶର ତୈଳ ମାର୍କେଟିଂ କମ୍ପାନୀ ଏଚପିସିଏଲ, ବିପିସିଏଲ, ଆଇଓସି ପ୍ରତିଦିନ ପେଟ୍ରୋଲ, ଡିଜେଲ ମୂଲ୍ୟର ସମୀକ୍ଷା କରିଥାନ୍ତି। ନୂତନ ଦର ସକାଳ ୬ଟାରୁ ଲାଗୁ ହୋଇଥାଏ। ୧୫ ଦିନର ଦରକୁ ଦେଖି ତୈଳ ଦର ନିରୂପଣ କରାଯାଇଥାଏ। ଏହା ବ୍ୟତୀତ ଟଙ୍କା ଏବଂ ଡଲାରର ବିନିମୟ ଦର ମଧ୍ୟ ତୈଳ ଦରକୁ ପ୍ରଭାବିତ କରିଥାଏ।
