ଭୁବନେଶ୍ଵର: ଶିଶୁ ଅଧିକାର ତଥା ସରକାରଙ୍କ ବିଭିନ୍ନ ଆଇନ ଓ ଅଧିନିୟମ ସମ୍ପର୍କିତ ମୋଟ ୫୦ ଗୋଟି କ୍ଷୁଦ୍ର ଶିଶୁ ଚଳଚ୍ଚିତ୍ର ଉତ୍ସବ “ଶିଶୁ ଦୃଶ୍ୟମ” ବିଜୁ ପଟ୍ଟନାୟକ ପ୍ରେକ୍ଷାଳୟରେ ପ୍ରଦର୍ଶିତ କରାଯାଇଛି। କରଯାଇଥିଲା। ଜିଲ୍ଲାପାଳ କବୀନ୍ଦ୍ର ସାହୁଙ୍କ ସଭାପତିତ୍ଵ ଓ ଜିଲ୍ଲା ଶିଶୁ ସୁରକ୍ଷା ଅଧିକାରୀ ରୋମିଓ ମହାପାତ୍ରଙ୍କ ତତ୍ବାବଧାନରେ ଆୟୋଜିତ ହୋଇଥିବା ଏହି ଶିଶୁ ଚଳଚିତ୍ର ଉତ୍ସବରେ ମୁଖ୍ୟ ଅତିଥି ଭାବେ ଦେବଗଡ ବିଧାୟକ ରୋମାଞ୍ଚ ରଞ୍ଜନ ବିଶ୍ଵାଳ ଯୋଗ ଦେଇଥିଲେ। ଶିଶୁମାନଙ୍କ ସୁରକ୍ଷା ଓ ବିକାଶ ପାଇଁ କାମ କରୁଥିବା ବିଭିନ୍ନ ବିଭାଗୀୟ ଅଧିକାରୀ , ସ୍ଵେଚ୍ଛାସେବୀ ଅନୁଷ୍ଠାନ , ପୋଲିସ , ଶିକ୍ଷକ ଶିକ୍ଷୟତ୍ରୀ ଓ ଅବିଭାବକଙ୍କ ସଚେତନତା ପାଇଁ ଜିଲ୍ଲା ଶିଶୁ ସୁରକ୍ଷା ୟୁନିଟ ତଥା ମହିଳା ଓ ଶିଶୁ ବିକାଶ ବିଭାଗ ପକ୍ଷରୁ ଆଇନା ଅନୁଷ୍ଠାନର ବୈଷୟିକ ସହାୟତାରେ ଏହି ଶିଶୁ ଚଳଚିତ୍ର ଉତ୍ସବରେ ବିଭିନ୍ନ ଶିକ୍ଷା ଅନୁଷ୍ଠାନରୁ ୪୦୦ର ଉର୍ଦ୍ଧ ଶିଶୁ ଛାତ୍ରଛାତ୍ରୀଙ୍କ ଯୋଗ ଦେଇ ଶିଶୁ ଚଳଚ୍ଚିତ୍ର ଗୁଡିକର ମଜା ନେଇଥିଲେ।
ଶିଶୁ ଅଧିକାର ସୁରକ୍ଷା ସମ୍ପର୍କିତ ବିଭିନ୍ନ ବିଷୟବସ୍ତୁ ଯଥା ବାଲ୍ୟ ବିବାହ, ଶିଶୁ ଶ୍ରମିକ, ଶିଶୁ ଚାଲାଣ, ଶିଶୁ ଯୌନ ଅପରାଧ ଆଦି ଉପରେ ପର୍ଜାବେଶିତ ବିଭିନ୍ନ ଚଳଚିତ୍ର ନିର୍ମାତାଙ୍କ ଚଳଚିତ୍ର ଯଥା ଅଲକ୍ଷ୍ମୀ, ଆଜିଠୁ ଏକାଠି, ଖୁସି, ବଚପାନ, କ୍ଷୀର, ସାବାସ ବିଜୁ, ଆଇ ଏମ କାଲାମ, ନାଗାବଳିର ଅଭିମାନ ଇତ୍ୟାଦି ପିଲାମାନେ ଭରପୁର ଉପଭୋଗ କରିଥିଲେ।
ଏହି ଅବସରରେ ରାଜ୍ୟ ସ୍ତରରେ ପୁରସ୍କୃତ ହୋଇଥିବା ଶିଶୁ ଚଳଚ୍ଚିତ୍ର “ଡେଣା”ର ସ୍ଵତନ୍ତ୍ର ପ୍ରଦର୍ଶନ ହୋଇଥିଲା ଓ ଭୁବନେଶ୍ବରରୁ ଆସିଥିବା ଏହି ଚଳଚ୍ଚିତ୍ରର ନିର୍ମାତା ସନ୍ତୋଷ ପଣ୍ଡାଙ୍କୁ ଶିଶୁ ଚଳଚିତ୍ର ନିର୍ମାଣ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ସମ୍ବର୍ଦ୍ଧିତ କରଯାଇଥିଲା।