ତାଇଓ୍ବାନକୁ 2.2 ବିଲିୟନ୍ ଡଲାରର ଅସ୍ତ୍ରଶସ୍ତ୍ର ରପ୍ତାନୀ କରିଛି ଆମେରିକା । ଚୀନ୍ ଏହି ନିଷ୍ପତ୍ତିକୁ ବିରୋଧ କରିଥିଲେ ମଧ୍ୟ ପେଣ୍ଟାଗନ୍ ପକ୍ଷରୁ ତାଇଓ୍ବାନକୁ ଏମ୍ 1ଏ2ଟି ଆବ୍ରାମ ଟ୍ୟାଙ୍କସ, ଷ୍ଟିଙ୍ଗର କ୍ଷେପଣାସ୍ତ୍ର ଏବଂ ଅନ୍ୟାନ୍ୟ ଅସ୍ତ୍ରଶସ୍ତ୍ର ଯୋଗଉଥିବା ନେଇ ଜଣାପଡିଛି । ତାଇଓ୍ବାନ୍କୁ ପେଣ୍ଟାଗନ୍ ପକ୍ଷରୁ 108ଟି ଏମ୍ 1ଏ2ଟି ଆବ୍ରାମ ଟ୍ୟାଙ୍କସ, 250ଟି ଷ୍ଟିଙ୍ଗର କ୍ଷେପଣାସ୍ତ୍ର ପ୍ରଦାନ କରାଯାଇଛି । ଆମେରିକା ପକ୍ଷରୁ ଏହି ଅସ୍ତ୍ର ଶସ୍ତ୍ର ଚୁକ୍ତି କରାଯିବା ଫଳରେ ଏହା ଆମେରିକା ଏବଂ ଚୀନ୍ ମଧ୍ୟରେ ଦ୍ବିପାକ୍ଷିକ ସମ୍ପର୍କକୁ ପ୍ରଭାବିତ କରିପାରେ ବୋଲି ଚୀନ୍ ବୈଦେଶିକ ମନ୍ତ୍ରାଳୟ ପକ୍ଷରୁ ପ୍ରକାଶ କରାଯାଇଛି । ତାଇଓ୍ବାନ ରାଷ୍ଟ୍ରପତି ସାଇ ଇଙ୍ଗ ଓ୍ବେନ୍ ଆମେରିକାର ନିଷ୍ପତ୍ତିକୁ ସ୍ବାଗତ କରିଛନ୍ତି ।
Tags:
