Zakir Hussain Dies: ବିଶିଷ୍ଠ ତବଲା ବାଦକ ଜାକିର ହୁସେନ୍ଙ୍କ ସାନ ଫ୍ରାନ୍ସିସ୍କୋରେ ୭୩ ବର୍ଷ ବୟସରେ ଦେହାନ୍ତ ହୋଇଯାଇଛି। ଆଜି ତାଙ୍କ ପରିବାରର ଏହାକୁ ନିଶ୍ଚିତ କରିଛନ୍ତି। କିମ୍ବଦନ୍ତୀ ତବଲା ବାଦକ ଜାକିର ହୁସେନ ବିଶ୍ୱରେ ଅସଂଖ୍ୟ ସଙ୍ଗୀତପ୍ରେମୀଙ୍କୁ ସେ ବାନ୍ଧି ରଖିବାର ସକ୍ଷମ ହୋଇଥିଲେ।
ତାଙ୍କ ପତ୍ନୀ ଆଣ୍ଟୋନିୟା ମିନେକୋଲା, ଝିଅ ଅନିସା କୁରେଶି ଏବଂ ତାଙ୍କ ପରିବାର ଇସାବେେଲା କୁରେଶି ଏବଂ ତାଙ୍କ ପରିବାର, ତାଙ୍କ ଭାଇ ତୱଫିକ୍ ଏବଂ ଫଜଲ କୁରେଶି ଏବଂ ତାଙ୍କ ଭଉଣୀ ଖୁରସିଦ ଆଲିଆଙ୍କୁ ହୁସେନ୍ ଛାଡିଯାଇଛନ୍ତି।
ଏହାପୂର୍ବରୁ ରବିବାର ଦିନ ହୁସେନ୍ଙ୍କ ବନ୍ଧୁ ତଥା ବଂଶୀବାଦକ ରାକେଶ ଚୈରାସିଆ କହିଥିଲେ ଯେ ତାଙ୍କର ଛାତିରେ ଯନ୍ତ୍ରଣା ହେବା ଯୋଗୁଁ ସାନ ଫ୍ରାନ୍ସିସ୍କୋ ହସ୍ପିଟାଲର ଆଇସିୟୁରେ ଭର୍ତ୍ତି କରାଯାଇଛି।
ପ୍ରକାଶ ଥାଉକି, ରବିବାର ଦିନ ଖବର ପ୍ରକାଶ ପାଇଥିଲା ଯେ ୭୩ ବର୍ଷୀୟ ସଙ୍ଗୀତକାରଙ୍କର ଦେହାନ୍ତ ହୋଇଛି। କିନ୍ତୁ ଏହି ଦାବିକୁ ତାଙ୍କ ପରିବାର ମନା କରିଦେଇଥିଲେ। ସେମାନେ କହିଥିଲେ ଯେ, ସେ ହସ୍ପିଟାଲରେ ଚିକିତ୍ସିତ ହେଉଛନ୍ତି। ତାଙ୍କ ପରିବାର ହୁସେନ୍ଙ୍କ ଶୀଘ୍ର ଆରୋଗ୍ୟ ପାଇଁ ସମସ୍ତଙ୍କଠାରୁ ପ୍ରାର୍ଥନା ଏବଂ ଆଶୀର୍ବାଦ ଲୋଡିଥିଲେ।
ସୋମବାର ହୁସେନ୍ଙ୍କ ପରଲୋକ ସମ୍ପର୍କରେ ବିବୃତ୍ତିରେ ତାଙ୍କ ପରିବାର କହିଛନ୍ତି, “ଜଣେ ମାଷ୍ଟ୍ରୋ, ପରାମର୍ଶଦାତା ତଥା ଶିକ୍ଷାବିତ୍ ଭାବରେ ତାଙ୍କର ବହୁମୂଲ୍ୟ କାର୍ଯ୍ୟ ଅଗଣିତ ସଂଗୀତଜ୍ଞଙ୍କ ଉପରେ ଏକ ଅବିସ୍ମରଣୀୟ ଛାପ ରଖିଛି। ସେ ଆଗାମୀ ପିଢୀକୁ ଆହୁରି ଆଗକୁ ଯିବାକୁ ପ୍ରେରଣା ଦେବେ ବୋଲି ସେ ଆଶା କରିଛନ୍ତି।