ଦିନକୁ ଦିନ ଶିଶୁକନ୍ୟା ଠାରୁ ବୃଦ୍ଧା ମହିଳା ଯାଏଁ ସବୁ ଅସୁରକ୍ଷିତ ହୋଇପଡ଼ୁଛନ୍ତି। ଖୋର୍ଦ୍ଧା ଜିଲ୍ଲାରେ ଜଣେ ଭିନ୍ନକ୍ଷମ ଯୁବତୀଙ୍କୁ ଦୁଷ୍କର୍ମ ଅଭିଯୋଗ ଆସିଛି। ସୂଚନାନୁଯାୟୀ, ଖୋର୍ଦ୍ଧା ଜିଲ୍ଲା ତାପଙ୍ଗରେ ଥିବା ଏକ କ୍ରସର ଭିତରେ ଜଣେ ଭିନ୍ନକ୍ଷମ ଯୁବତୀଙ୍କୁ ଦୁଷ୍କର୍ମ ଅଭିଯୋଗ ଆସିଛି। ଦୁଷ୍କର୍ମର ଶିକାର ହୋଇଥିବା ଭିନ୍ନକ୍ଷମ ଯୁବତୀ ଜଣକ କ୍ରସରରେ କାମ କରନ୍ତି। ପ୍ରତିଦିନ ଭଳି ସେ ଆଜି ମଧ୍ୟ ନିଜ କାର୍ଯ୍ୟସ୍ଥଳୀକୁ ଯାଇଥିଲେ। ସେଠାରେ କାର୍ଯ୍ୟ ସମୟରେ ଜଣେ ଯୁବକ ତାଙ୍କୁ ଉଠାଇ ନେଇ କ୍ରସର ଭିତରେ ଦୁଷ୍କର୍ମ କରିଥିଲେ। ଏନେଇ ଭିନ୍ନକ୍ଷମ ଦୁଷ୍କର୍ମ ପୀଡ଼ିତା ଖୋର୍ଦ୍ଧା ଥାନାରେ ଏତଲା ଦେଇଥିଲେ। ଅଭିଯୋଗ ଆଧାରରେ ପୋଲିସ ଘଟଣାସ୍ଥଳରେ ପହଂଚି ଅଭିଯୁକ୍ତ ଯୁବକଙ୍କୁ ଗିରଫ କରିଛି।
Tags:
