ଜାତୀୟ ତଦନ୍ତକାରୀ ସଂସ୍ଥା (ଏନ୍ଆଇଏ) ପକ୍ଷରୁ ବିଛିନ୍ନତାବାଦୀ ନେତ୍ରୀ ଆସିୟା ଅନ୍ଦ୍ରାବୀଙ୍କ ସମ୍ପତ୍ତି ଜବତ କରାଯାଇଛି । ଆତଙ୍କବାଦୀଙ୍କୁ ଅର୍ଥ ଯୋଗାଣ ଏବଂ ଅନ୍ୟାନ୍ୟ ଅଭିଯୋଗରେ ଏନ୍ଆଇଏ ପକ୍ଷରୁ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ନିଜର ସଙ୍ଗଠନ ଦୁଖତରାନ ଏ ମିଲାତ ଜରିଆରେ ଅନ୍ଦ୍ରାବୀ ଅର୍ଥ ସଂଗ୍ରହ କରି ଆତଙ୍କୀଙ୍କ ମଧ୍ୟରେ ବିତରଣ କରୁଥିଲେ । ଏହା ସହିତ ଏନ୍ଆଇଏ ଏହି ମାମଲାରେ ଏନ୍ଆଇଏ ଅନ୍ୟ ଦୁଇଜଣଙ୍କ ନାମରେ ମଧ୍ୟ ମାମଲା ରୁଜୁ କରିଛି । ସୋଫି ଫେହମିଦା ଏବଂ ନାହିଦା ନସରୀନ୍ଙ୍କ ନାମରେ ମଧ୍ୟ ମାମଲା ରୁଜୁ କରାଯାଇଥିବା ଜଣାପଡିଛି । ଉଭୟ ନାହିଦା ଏବଂ ସୋଫିଙ୍କୁ ଗତବର୍ଷ ଜୁଲାଇ 5 ତାରିଖରେ ଗିରଫ କରାଯାଇଥିଲା ।
Tags:
