ଭୁବନେଶ୍ବର: ବସନ୍ତ ନାୟକ ଫାଉଣ୍ଡେସନ – ଓଡ଼ିଆ ସିନେମା ଜଗତ ର କିମ୍ବଦନ୍ତୀ, ସର୍ବକାଳୀନ ଶ୍ରେଷ୍ଠ ସିନେନିର୍ମାତା ସ୍ବର୍ଗତ ବସନ୍ତ ନାୟକଙ୍କ ସ୍ମୃତି ସ୍ମାରକୀ ଅନୁଷ୍ଠାନ। ଓଡ଼ିଆ ସିନେମା, ସଂସ୍କୃତି, ସଂଗୀତ ଓ ସାହିତ୍ୟରେ ସୃଜନତା ଏବଂ ନୂତନତା ସ୍ପର୍ଶ ନିମନ୍ତେ ସମ୍ପର୍ପିତ ଏ ଅନୁଷ୍ଠାନ।
ସ୍ବର୍ଗତ ବସନ୍ତ ନାୟକ ଜନ୍ମଦିବସ ଜାନୁଆରୀ ୧୬ ତାରିଖରେ ପାଳନ ଅବସରରେ ବସନ୍ତ ନାୟକ ଫାଉଣ୍ଡେସନ ପ୍ରତିବର୍ଷ ପ୍ରଦାନ କରିଆସୁଛି “ବସନ୍ତ ନାୟକ ସ୍ମୃତି ସମ୍ମାନ”, ଜଣେଜଣେ ଓଡ଼ିଆ ସିନେସାଧକଙ୍କୁ, ଜୀବନବ୍ୟାପି ଓଡ଼ିଆ ସିନେମାକୁ ସେମାନଙ୍କ ଅବଦାନ ନିମନ୍ତେ ଏହି ସମ୍ମାନ ପ୍ରଦାନ କରାଯାଇ ଆସୁଅଛି।
ଏହି କ୍ରମରେ ଚଳିତ ବର୍ଷ ୨୦୨୫ ନିମନ୍ତେ ବସନ୍ତ ନାୟକ ସ୍ମୃତି ସମ୍ମାନ ବିଶିଷ୍ଟ ହାସ୍ୟାଭିନେତା ଶ୍ରୀ ଜୟୀରାମ ସାମଲଙ୍କୁ ପ୍ରଦାନ କରିଛି ବସନ୍ତ ନାୟକ ଫାଉଣ୍ଡେସନ।
ଜାନୁଆରୀ ୧୬ ତାରିଖ ଦିନ ଭୁବନେଶ୍ୱର ଜୟଦେବ ଭବନ ଠାରେ ସନ୍ଧ୍ୟା ୬. ୩୦ ମିନିଟ ରେ ଅନୁଷ୍ଠିତ ହେଇଯାଇଥିବା ସ୍ବର୍ଗତ ବସନ୍ତ ନାୟକ ଜନ୍ମଉତ୍ସବ ପାଳନ ଅବସରରେ ଏହି ସ୍ମୃତିସମ୍ମାନ ପ୍ରଦାନ କରାଯାଇଥିଲା।
ଉତ୍ସବ ରେ ବରିଷ୍ଠ ନିର୍ଦ୍ଦେଷକ ସବ୍ୟସାଚି ମହାପାତ୍ର, ଅୀନେତା ଉତ୍ତମ ମହାନ୍ତି , ପ୍ରଦ୍ୟୁମ୍ନ ଲେଂକା,ହରିହର ମହାପାତ୍ର ,ଅତିସ୍ ମହାନ୍ତି ପ୍ରମୁଖ ମଞ୍ଚାସିନ ହୋଇ ବସନ୍ତ ନାୟକଂକ ସ୍ମୃତିଚାରଣ କରିଥିଲେ. ମଞ୍ଚ ସମ୍ଭାଳି ଥିଲେ ପ୍ରେରଣା ପ୍ରତିକ୍ଷ୍ୟା ଏବଂ ସ୍ଥିତ ପଟ୍ଟନାୟକ।
ରଂଗାରଂଗ କାର୍ଯ୍ୟକ୍ରମ ରେ ମଞ୍ଚ ଦୁଲିକିଲା ! ଜୟା ବିଶ୍ବାସ , ସୁଭମ୍, ଶୀତଲ ପାତ୍ର, ଆକାଂକ୍ଷ୍ୟା ,ରିସିକ୍ ,ସଂଜନା ,ସ୍ବୟମପାଢି ,ଗୁଡଲି ରଥ, ଲୋପାମୁଦ୍ରା ମିଶ୍ର ଟି ସଉରି ନାଜିଆ ଆଲମ ପ୍ରମୁଖ କଳାକାର ନିଜର କଳା ପ୍ରଦର୍ଶନ କରିଥିଲେ।
ବସନ୍ତ ନାୟକ ଫାଉଣ୍ଡେସନ ପକ୍ଷରୁ ପ୍ରତିଷ୍ଠାତା ସଞ୍ଜୟ ନାୟକ ଏହି ସୂଚନା ଦେଇଛନ୍ତି।
