ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ଭଞ୍ଜନଗର ଅତିରିକ୍ତ ଏସପି ରଞ୍ଜନ କୁମାର ଦେ କୌଣସି କାମରେ ବାଲେଶ୍ଵର ଯାଇ ଫେରୁଥିବା ବେଳେ ସପରିବାର ନିକଟସ୍ଥ ଶାଳୁଆପଲୀ ଗ୍ରାମରେ ଦୁର୍ଘଟଣାର ସମ୍ମୁଖୀନ ହୋଇଛନ୍ତି। ଯାହା ଫଳରେ ଅତିରିକ୍ତ ଏସପି ଙ୍କ ସହ ସ୍ତ୍ରୀ, ଶାଶୁ ଓ ଡ଼୍ରାଇଭର ଗୁରୁତର ଆହତ ହୋଇ ବ୍ରହ୍ମପୁର ବଡ଼ ଡ଼ାକ୍ତରଖାନାରେ ଚିକିତ୍ସିତ ହେଉଛନ୍ତି।
ସୁଚନା ଅନୁଯାୟୀ ଜଦୁର୍ଘଟଣାଗ୍ରସ୍ତ ଗାଡ଼ି ଉକ୍ତ ସ୍ଥାନରେ ଏକ ଗଛକୁ ପିଟି ହୋଇ ଗୋଟିଏ କେବିନ୍ ଉପରେ ଚଢ଼ି ଯାଇଥିଲା। ଏହି ଭଳି ପରିସ୍ଥିତିରେ ସ୍ଥାନୀୟ ଲୋକମାନେ ଦୁର୍ଘଟଣାଗ୍ରସ୍ତ ସମସ୍ତଙ୍କୁ ଉଦ୍ଧାର କରି ଭଞ୍ଜନଗର ଡାକ୍ତରଖାନାକୁ ପଠାଇ ଥିଲେ। ପ୍ରାଥମିକ ଚିକିତ୍ସାପରେ ସମସ୍ତଙ୍କୁ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି।
