ସୋମାଲିଆରେ ଏକ ବର୍ବର ଆକ୍ରମଣରେ ୧୦ ଜଣ ବ୍ୟକ୍ତି ନିହତ ହୋଇଛନ୍ତି। ବନ୍ଦର ସହର କିସ୍ମାୟୋର ଏକ ହୋଟେଲରେ ଆକ୍ରମଣ ହେବା ସହିତ ଏହି ବର୍ବର କାଣ୍ଡ ଘଟିଛି। ଏହି ଘଟଣାରେ ଦୁଇ ଜଣ ସାମ୍ବାଦିକ ନିହତ ହୋଇଛନ୍ତି। ସୂଚନା ଅନୁଯାୟୀ ୧୩ ଅଜଣା ବନ୍ଧୁକ ଧାରୀ ଆତତାୟୀ ଶନିବାର ସକାଳୁ ହୋଟେଲ ମଧ୍ୟରେ ପ୍ରବେଶ କରି ଆଖିବୁଜା ଗୁଳିଚାଳନା କରିଥିଲେ। ଏହି ଗୁଳିଚାଳନାରେ ଅନ୍ୟୁନ ୧୦ ଜଣ ନିହତ ହୋଇଥିବା ବେଳେ ୧୫ରୁ ଅଧିକ ଆହତ ହୋଇଛନ୍ତି। ପୋଲିସ ଘଟଣାସ୍ଥଳରେ ପହଞ୍ଚି ଆତତାୟୀଙ୍କ ମୁକାବିଲା କରୁଛି। ଆତତାୟୀ ମାନେ ହୋଟେଲ ମଧ୍ୟରେ ଉପସ୍ଥିତ ଥିବାରୁ ମୃତ୍ୟୁ ସଂଖ୍ୟା ବଢିପାରେ ବୋଲି ପୋଲିସ ପକ୍ଷରୁ କୁହାଯାଇଛି। ହୋଟେଲରେ ଅନ୍ୟୁନ ୮୦ ରୁ ଅଧିକ ଲୋକ ଫସି ରହିଥିବା ଜଣାପଡିଛି।
Tags:
