ବ୍ରହ୍ମପୁର: ଗଞ୍ଜାମ ଜିଲ୍ଲାରେ ବିରଳ କୃଷ୍ଣସାର ମୃଗବଂଶ ବୃଦ୍ଧି କୁ ନେଇ ଜିଲ୍ଲାବାସୀ ଓ ପରିବେଶବିତ୍ଙ୍କୁ ବେଶ୍ ଉତ୍ସାହିତ କରିଛି। ୨୦୨୩ ଗଣନା ଅନୁସାରେ ଗଞ୍ଜାମ ଜିଲ୍ଲାରେ ୭୭୪୫ଟି କୃଷ୍ଣସାର ମୃଗ ରହିଥିଲେ। ସେମାନଙ୍କ ମଧ୍ୟରେ ୧୪୭୨ଟି ଅଣ୍ଡିରା, ୪୭୫୨ଟି ମାଈ ଏବଂ ୧୫୧୮ଟି ଶାବକ ଥିଲେ। ଦକ୍ଷିଣ ଘୁମୁସର ବନଖଣ୍ଡରେ ସର୍ବାଧିକ ୪୬୩୬ଟି କୃଷ୍ଣସାର ମୃଗ ରହିଥିବା ବେଳେ ବ୍ରହ୍ମପୁର ବନଖଣ୍ଡରେ ୨୭୫୭ ଏବଂ ଉତ୍ତର ଘୁମୁସର ବନଖଣ୍ଡରେ ୩୫୦ଟି କୃଷ୍ଣସାର ରହିଥିବା ଜଣାପଡ଼ିଥିଲା ଦକ୍ଷିଣ ଘୁମୁସର ବନଖଣ୍ଡରେ ଏମାନଙ୍କ ସଂଖ୍ୟା ଅଧିକ ରହିଥିବା ବେଳେ ୨୦୧୮ରୁ ସଂଖ୍ୟା ଦୁଇଗୁଣା ବୃଦ୍ଧି ପାଇଛି।
ଦକ୍ଷିଣ ଘୁମୁସର ଓ ଉତ୍ତର ଘୁମୁସର ବନଖଣ୍ଡରେ ଚଳିତବର୍ଷ ର ଆଜି ସକାଳ ଠାରୁ କୃଷ୍ଣସାର ମୃଗ ଗଣନା ଆରମ୍ଭ ହୋଇଛି। ଏଥିପାଇଁ ଉଭୟ ବନଖଣ୍ଡରୁ ଲାଲିମ୍ ପ୍ରାପ୍ତ ୮୮ ଟି ଟିମ୍ ଗଠନ କରାଯାଇ ଗଣନାରେ ନିୟୋଜିତ କରାଯାଇଛି। ଏଥିରେ ପ୍ରାୟ ୪୦୦ରୁ ଅଧିକ କର୍ମଚାରୀ, କଲେଜ ଛାତ୍ରଛାତ୍ରୀ, ବନ୍ୟପ୍ରାଣୀ ବିଶେଷଜ୍ଞ ଓ କିଛି ପରିବେଶବିତ୍ ସାମିଲ ହୋଇଛନ୍ତି। ପୂର୍ବରୁ ଉଭୟ ବନଖଣ୍ଡର ୪ ଟି ବନାଞ୍ଚଳରେ ଗଣନା କରାଯାଉଥିବା ବେଳେ ଚଳିତବର୍ଷ ଏହି ସଂଖ୍ୟାକୁ ବଢ଼ାଯାଇଛି। ଏଥର ୮ଟି ବନାଞ୍ଚଳରେ ଗଣନା ହେବ ବୋଲି ସୂଚନା ମିଳିଛି।
ଚଳିତବର୍ଷ ଦକ୍ଷିଣ ଘୁମୁସର ବନଖଣ୍ଡ ର ଆସିକା, ବୁଗୁଡ଼ା, ପୋଲସରା ଓ ବଡ଼ଗଡ଼ ବନାଞ୍ଚଳ ଏବଂ ଉତ୍ତର ଘୁମୁସର ବନଖଣ୍ଡର ଜଗନ୍ନାଥପ୍ରସାଦ, ମୁଜାଗଡ଼, ତାରସିଂ ଓ କେନ୍ଦ୍ରୀୟ ବନାଞ୍ଚଳରେ ଗଣନା ହେବ। ଏହି ଗଣନା ନେଇ ଗଣନାକରୀଙ୍କୁ ଉପଯୁକ୍ତ ତାଲିମ ଦିଆଯାଇଥିବା ଦକ୍ଷିଣ ଘୁମୁସର ବନଖଣ୍ଡ ଅଧିକାରୀ ବିନୋଦ ଆଚାର୍ଯ୍ୟଙ୍କ ଠାରୁ ସୂଚନା ମିଳିଛି।
