ଭୁବନେଶ୍ବର: ଫାଇଲେରିଆ ନିରାକରଣ ଓ ସାମୁହିକ ଔଷଧ ସେବନ ରାଜ୍ୟସ୍ତରୀୟ କାର୍ଯ୍ୟକ୍ରମ ଫୁଲବାଣୀ ଗାନ୍ଧୀ ସ୍ମୃତି ଭବନ ରେ ଉଦ୍ଘାଟନ ହୋଇଯାଇଛି। ସ୍ଵାସ୍ଥ୍ୟ ମନ୍ତ୍ରୀ ମୁକେଶ ମହାଲିଙ୍ଗ ଉପସ୍ଥିତ ରହି କାର୍ଯ୍ୟକ୍ରମ ର ଉଦ୍ଘାଟନ କରିଥିବା ବେଳେ, ଭରଚୁଆଲି ମାଧ୍ୟମରେ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ଜେପି ନଡ୍ଡା ଯୋଡ଼ି ହୋଇଥିଲେ। ଓଡ଼ିଶା ସମେତ ୧୨ ଗୋଟି ରାଜ୍ୟରେ ଏହି କାର୍ଯ୍ୟକ୍ରମ ରେ ଭର୍ଚୁଆଲି ମାଧ୍ୟମ ରେ ଯୋଡ଼ି ହୋଇଥିଲେ। ମନ୍ତ୍ରୀ ନିଜେ ଔଷଧ ଖାଇବା ସହିତ ଛୋଟ ଛୋଟ ଶିଶୁ ମାନଙ୍କୁ ଔଷଧ ଖୁଆଇ କାର୍ଯ୍ୟକ୍ରମ ର ଶୁଭାରମ୍ଭ କରିଥିଲେ। ଦୁଇ ବର୍ଷରୁ ଅଧିକ ସମସ୍ତ ବ୍ୟକ୍ତି ଔଷଧ ସେବନ କରିବା ପାଇଁ ଅନୁରୋଧ କରିଥିଲେ ମନ୍ତ୍ରୀ। କନ୍ଧମାଳ ଜିଲ୍ଲା ଏକ ଦୁର୍ଗମ ଜିଲ୍ଲା ହୋଇଥିବା ବେଳେ, ଡାକ୍ତର ସମସ୍ୟା ଏକ ପ୍ରମୁଖ ସମସ୍ୟା ହୋଇଥିବାରୁ, କନ୍ଧମାଳ ଜିଲ୍ଲାର ପ୍ରତ୍ୟେକ ବ୍ଲକ୍ ରେ ସ୍ପେଷାଲ ଡାକ୍ତର ନିଯୁକ୍ତି କରିବା ପାଇଁ ଜି ଉଦୟଗିରି ବିଧାୟକ ପ୍ରଫୁଲ୍ଲ ପ୍ରଧାନ ନିବେଦନ କରିଥିଲେ।
ସେହିଭଳି, କନ୍ଧମାଳ ଜିଲ୍ଲାରେ ମ୍ୟାଲେରିଆ ରୋଗୀଙ୍କ ସଂଖ୍ୟା ଧୀରେ ଧୀରେ ବଢୁଥିବା ସହ, ଅତି ଜରୁରୀ ସ୍ବାସ୍ଥ୍ୟ ସେବା ପାଇବା ପାଇଁ, ବ୍ରହ୍ମପୁର ଯିବାକୁ ପଡିଥାଏ । କିନ୍ତୁ ସବୁ ସୁବିଧା ମିଳୁ ନଥିବାରୁ,, ଭୁବନେଶ୍ୱର କିମ୍ବା କଟକ ମାଗଣା ଯାଇ ଚିକିତ୍ସା ହେବା ପାଇଁ ଆମ୍ବୁଲାନ୍ସ ଯୋଗେଇ ଦେବା ପାଇଁ ସ୍ବାସ୍ଥ୍ୟ ମନ୍ତ୍ରୀ ଙ୍କୁ ଅନୁରୋଧ କରିଥିଲେ ଫୁଲବାଣୀ ବିଧାୟକ ଉମା ଚରଣ ମଲ୍ଲିକ।
ସ୍ବାସ୍ଥ୍ୟ ମନ୍ତ୍ରୀ ତାଙ୍କ ଅଭିଭାଷଣରେ କହିଛନ୍ତି, ରାଜ୍ୟସ୍ତରୀୟ କାର୍ଯ୍ୟକ୍ରମ ଭୁବନେଶ୍ବର ବଦଳ ରେ କନ୍ଧମାଳ ଜିଲ୍ଲାରେ ଆୟୋଜନ କରିବାର ଲକ୍ଷ୍ୟ ହେଉଛି,, ଲୋକଙ୍କ ପାଖରେ ଯେତେ ପହଞ୍ଚିବ , ଯୋଜନା ସଫଳ ରୂପ ନେବ। କେନ୍ଦ୍ରମନ୍ତ୍ରୀ ତାଙ୍କ ଅଭିଭାଷଣ ରେ ଉତ୍ତରପ୍ରଦେଶ ଓ ଓଡ଼ିଶାକୁ ଭୂରି ପ୍ରଶଂସା କରିଥିଲେ। ଏଏନ୍ଏମ ଓ ଆସା ଦିଦି ଙ୍କୁ ଅନୁରୋଧ କରିଥିଲେ,, ଲୋକଙ୍କ ଘରେ ପହଞ୍ଚି, ଔଷଧ ଖୁଆଇ ଆସିବ। ଯାହାଦ୍ବାରା ଲୋକମାନେ ଅନେକ ଫାଇଦା ପାଇବେ । କନ୍ଧମାଳ ରେ ଥିବା ଡାକ୍ତର ସମସ୍ୟା ଉପରେ ଆଲୋଚନା ହେବ,, ଓ ସମସ୍ୟା ର ସମାଧାନ କରାହେବ ବୋଲି କହିଛନ୍ତି। ଆସନ୍ତା ଆର୍ଥିକ ବର୍ଷରେ ଫୁଲବାଣୀ ମେଡ଼ିକାଲ୍ କଲେଜ୍ ର ଶୁଭ ଉଦ୍ଘାଟନ ହେବା ସହ ନର୍ସିଂ କଲେଜର ଉଦ୍ଘାଟନ ହେବ।