ଛତିଶଗଡରେ ପୋଲିସ୍ ଏବଂ ନକ୍ସଲଙ୍କ ମଧ୍ୟରେ ଏକ ଏନକାଉଣ୍ଟର ସଙ୍ଗଠିତ ହୋଇଛି। ଦାନ୍ତେଓ୍ବାଡେରେ ରବିବାର ଏହି ଏନକାଉଣ୍ଟର ସଙ୍ଗଠିତ ହୋଇଛି। ଏହି ଏନ୍କାଉଣ୍ଟରରେ ଦୁଇ ଜଣ ନକ୍ସଲ ନିହତ ହୋଇଥିବା ବେଳେ ନିହତଙ୍କ ମଧ୍ୟରେ ଜଣେ ମହିଳା ରହିଛନ୍ତି। ରାୟପୁରରୁ ୪୦୦ କିମି ଦୂର ଗୁମିୟାପଲ୍ଳୀ ଗ୍ରାମରେ ଏହି ଏନ୍କାଉଣ୍ଟର ସଙ୍ଗଠିତ ହୋଇଥିଲା। ଏହି ଏନକାଉଣ୍ଟରରେ କୌଣସି ପୋଲିସ୍ କର୍ମୀ ନିହତ କିମ୍ବା ଆହତ ହୋଇ ନାହାନ୍ତି ବୋଲି ଡିସିପି ଅଭିଷେକ ପଲ୍ଲବ ସୂଚନା ଦେଇଛନ୍ତି। ରବିବାର ଭୋର ୫ଟା ସମୟରେ ସର୍ଚ୍ଚ ଅପରେସନ୍ ସମୟରେ ଉଭୟ ପକ୍ଷ ମଧ୍ୟରେ ଗୁଳିଚାଳନା ହୋଇଥିଲା। ଘଟଣାସ୍ଥଳରୁ ପୋଲିସ ଗୋଟିଏ ଏ-୩୦୩ ରାଇଫଲ୍ ଏବଂ ଗୋଟିଏ ମଜଲ୍ ଲୋଡିଂ ବନ୍ଧୁକ ଜବତ କରିଛି। ଦୁଇ ମୃତକଙ୍କୁ ଦେବା ଏବଂ ମମଗଲି ବୋଲି ଚିହ୍ନଟ କରାଯାଇଥିବା ବେଳେ ଉଭୟଙ୍କ ନାମରେ ୫ ଲକ୍ଷର ପୁରସ୍କାର ରାଶି ରହିଥିଲା। କୋସି ନାମକ ଜନୈକ ମହିଳା ନକ୍ସଲଙ୍କୁ ଗିରଫ କରାଯାଇଥିବା ବେଳେ ସର୍ଚ୍ଚ ଅପରେସନ୍ ଜାରି ରହିଛି।
Tags:
