ଭୁବନେଶ୍ବର: ପ୍ରଦେଶ କଂଗ୍ରେସର ନୂଆ ସଭାପତି ଭକ୍ତ ଚରଣ ଦାସ ଆକ୍ସନ ମୁଡରେ କାମ ଆରମ୍ଭ କରିଛନ୍ତି। ପ୍ରଥମେ ସେ କଟକ ନେତା ମାନସ ଚୌଧୁରୀଙ୍କ ଉପରୁ ନିଲମ୍ବନ ଆଦେଶ ହଟାଇଲେ। ଏହାପରେ ଆଜି ସଭାପତି ନୂଆ କମିଟର ନାମ ଘୋଷଣା କରିଛନ୍ତି। ତେବେ ଏହି କମିଟ ସଂକଳ୍ପ ପଦଯାତ୍ରାର ସଂଯୋଜନା କରିବେ। ଏଥିରେ 16 ଜଣ ସଦସ୍ୟ ରହିଛନ୍ତି।
ନୂଆଦିଲ୍ଲୀରୁ ସଭାପତି ଭକ୍ତ ଚରଣ ଦାସ ଫେରିବା ପରେ ଆସନ୍ତା 18 ତାରିଖରେ ଏକ ସଂକଳ୍ପ ପଦଯାତ୍ରା କରାଯିବ। ଏଥିରେ ଏକ ବଡ ଶୋଭାଯାତ୍ରା ଭୁବନେଶ୍ବର ବିମାନ ବନ୍ଦରରୁ ପୁରୀ ଶ୍ରୀମନ୍ଦିର ପର୍ଯ୍ୟନ୍ତ ଯିବ। ସେହି ଶୋଭାଯାତ୍ରାର ପରିଚାଳନା ପାଇଁ ଭକ୍ତ ଦାସ ଏହି କମିଟ ଗଠନ କରିଛନ୍ତି।