ନୂଆଦିଲ୍ଲୀ: ଆଇପିଏଲ୍- ୨୦୨୫ ସଂସ୍କରଣ ଆରମ୍ଭ ପୂର୍ବରୁ ମୁମ୍ବାଇ ଇଣ୍ଡିଆନ୍ସ ଏକ ବଡ ଅସୁବିଧାର ସମ୍ମୁଖୀନ ହୋଇଛି। ବାସ୍ତବରେ ଆଫଗାନିସ୍ତାନର ଅଫ-ସ୍ପିନର ଆଲ୍ଲା ଗଜନଫର ପୁରା ସଂସ୍କରଣରୁ ବାଦ ପଡିଛନ୍ତି। ଆଇପିଏଲ ମେଗା ନିଲାମରେ ମୁମ୍ବାଇ ଇଣ୍ଡିଆନ୍ସ ଆଲ୍ଲା ଗଜନଫରଙ୍କୁ ୪.୮୦ କୋଟିରେ କିଣିଥିଲା। ତେବେ ସମଗ୍ର ସଂସ୍କରଣରେ ଆଲ୍ଲା ଗଜନଫରଙ୍କ ଅନୁପସ୍ଥିତି ମୁମ୍ବାଇ ଇଣ୍ଡିଆନ୍ସ ପାଇଁ ଏକ ବଡ ଝଟକା ବୋଲି ବିବେଚନା କରାଯାଉଛି। ଏଥି ସହିତ ମୁମ୍ବାଇ ଇଣ୍ଡିଆନ୍ସ ଆଲ୍ଲା ଗଜନଫରଙ୍କ ସ୍ଥାନ ଘୋଷଣା କରିଛି। ଆଫଗାନିସ୍ତାନ ଅଫ୍ ସ୍ପିନର ମୁଜିବ ଉର ରେହମାନ ଆଲ୍ଲା ଗଜନଫରଙ୍କ ସ୍ଥାନରେ ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱାଧୀନ ମୁମ୍ବାଇ ଇଣ୍ଡିଆନ୍ସରେ ପ୍ରବେଶ ହୋଇଛି।
ପ୍ରେସ ବିଜ୍ଞପ୍ତିରେ ମୁମ୍ବାଇ ଇଣ୍ଡିଆନ୍ସ କ’ଣ କହିଛି?:
ମୁମ୍ବାଇ ଇଣ୍ଡିଆନ୍ସ ଏକ ପ୍ରେସ ବିଜ୍ଞପ୍ତି ଜାରି କରି ଆଲ୍ଲା ଗଜନଫରଙ୍କ ସ୍ଥାନ ଘୋଷଣା କରିଛି। ଏହି ପ୍ରେସ ବିଜ୍ଞପ୍ତିରେ ଏହା ଲେଖାଯାଇଛି ଯେ, ମୁମ୍ବାଇ ଇଣ୍ଡିଆନ୍ସ ଆସନ୍ତା ସିଜିନ ପାଇଁ ଆଲ୍ଲା ଗଜନଫରଙ୍କ ବଦଳରେ ମୁଜିବ ଉର ରହମାନଙ୍କୁ ଚୟନ କରିଛି। ଆହତ କାରଣରୁ ଆଲ୍ଲା ଗଜନଫରଙ୍କୁ ବାହାର ହେବାକୁ ପଡିଥିଲା। ମୁଜିବ ଉର ରହମାନ ଜଣେ ଅଫ୍ ସ୍ପିନର, ଯିଏ ଆଇପିଏଲରେ ମୋଟ ୧୯ ଟି ମ୍ୟାଚ୍ ଖେଳିଛନ୍ତି, ଯେଉଁଥିରେ ଏହି ବୋଲର ୧୯ ୱିକେଟ୍ ନେଇଛନ୍ତି। ମୁଜିବ ଉର ରହମାନ ୨ କୋଟି ଟଙ୍କାରେ ମୁମ୍ବାଇ ଇଣ୍ଡିଆନ୍ସର ଅଂଶ ହୋଇଛନ୍ତି।
