ଗର୍ଭପାତକୁ ଆଇନସମ୍ମତ କରିବା ନିମନ୍ତେ ସୁପ୍ରିମକୋର୍ଟରେ ଯାଚିକା ଦାୟର କରାଯାଇଛି । ତିନି ଜଣ ମହିଳାଙ୍କ ପକ୍ଷରୁ ଏହି ଯାଚିକା ଦାୟର କରାଯାଇଥିବା ସମ୍ପର୍କରେ ସୂଚନା ମିଳିଛି । ପ୍ରସବ ମହିଳାଙ୍କ ବ୍ୟକ୍ତିଗତ ଅଧିକାର ତେଣୁ ପ୍ରସବ କିମ୍ବା ଗର୍ଭପାତର ନିଷ୍ପତ୍ତି ମହିଳାଙ୍କୁ ପ୍ରଦାନ କରାଯିବା ଉଚିତ୍ । ଏହି ମାମଲାକୁ ସର୍ବୋଚ୍ଚ କୋର୍ଟ ଗ୍ରହଣ କରିଛନ୍ତି । ଏହା ସହିତ ସରକାରଙ୍କୁ ଏହି ମାମଲାରେ ବିଚାର ପାଇଁ ନୋଟିସ୍ ମଧ୍ୟ ପଠାଇଛନ୍ତି । ସରକାରୀ ନିୟମ ମହିଳାଙ୍କ ସ୍ବାସ୍ଥ୍ୟ ଠାରୁ ବଡ ନୁହେଁ ବୋଲି ଯାଚିକାରେ ଉଲ୍ଲେଖ କରାଯାଇଛି । ବର୍ତ୍ତମାନର ନିୟମ ଅନୁଯାୟୀ 12 ସପ୍ତାହ ମଧ୍ୟରେ ମହିଳା ଗର୍ଭପାତ କରି ପାରିବେ ଏବଂ ଯଦି କିଛି ଶାରୀରିକ ସମସ୍ୟା ଦେଖାଦିଏ ତେବେ 20 ସପ୍ତାହ ମଧ୍ୟରେ ଗର୍ଭପାତର ଅନୁମତି ମିଳିଥାଏ ।
Tags:
