ନୂଆଦିଲ୍ଲୀ: ଗୋବିନ୍ଦା ଏବଂ ତାଙ୍କ ପତ୍ନୀ ସୁନୀତା ଅହୁଜା କିଛି ନା କିଛି କାରଣରୁ ଚର୍ଚ୍ଚାରେ ରହିଥା’ନ୍ତି। ବର୍ତ୍ତମାନ ଖବର ଅଛି ଯେ, ସେମାନଙ୍କ ଦାମ୍ପତ୍ୟ ଜୀବନରେ ସବୁକିଛି ଠିକ୍ ଚାଲିନାହିଁ। ଗୋବିନ୍ଦାଙ୍କର ଅତିରିକ୍ତ ବୈବାହିକ ସମ୍ପର୍କ ଥିବା ଏବଂ ତାଙ୍କ ଛାଡପତ୍ର ଶେଷ ପର୍ଯ୍ୟାୟରେ ଥିବା ଖବର ରହିଛି।
ଖବର ରହିଛି ଯେ, ଗୋବିନ୍ଦା ଜଣେ ୩୦ ବର୍ଷ ବୟସ୍କା ମରାଠୀ ଅଭିନେତ୍ରୀଙ୍କ ସହ ଅତିରିକ୍ତ ବୈବାହିକ ସମ୍ପର୍କ ରଖିଛନ୍ତି। ସୂଚନା ଅନୁଯାୟୀ ଗୋବିନ୍ଦା ଛାଡପତ୍ର ଦେବାକୁ ଯାଉଛନ୍ତି। ନିକଟରେ ହୋଇଥିବା ଅନେକ ସାକ୍ଷାତକାରରେ ସୁନୀତା ଗୋବିନ୍ଦାଙ୍କ ସମ୍ପର୍କ ବିଷୟରେ ସୂଚନା ଦେଇଛନ୍ତି। ଉଭୟେ ଅଲଗା ଘରେ ରୁହନ୍ତି କାରଣ ସେମାନଙ୍କର କାର୍ଯ୍ୟସୂଚୀ ମେଳ ଖାଉ ନାହିଁ।
ତେବେ ଛାଡପତ୍ର ଏବଂ ଅତିରିକ୍ତ ବୈବାହିକ ସମ୍ପର୍କକୁ ନେଇ ଗୋବିନ୍ଦା ଏବଂ ସୁନୀତା ଏପର୍ଯ୍ୟନ୍ତ କୌଣସି ସ୍ପଷ୍ଟ ପ୍ରତିକ୍ରିୟା କରିନାହାଁନ୍ତି। ବର୍ତ୍ତମାନ କେବଳ ଗୋବିନ୍ଦା ଏବଂ ସୁନୀତା କହିପାରିବେ ଯେ, ଏହି ଖବରରେ କେତେ ସତ୍ୟ ଅଛି?
ସୁନୀତା ଗୋବିନ୍ଦାଙ୍କ ସହ ରୁହନ୍ତି ନାହିଁ?:
ଏକ ସାକ୍ଷାତକାରରେ ସୁନୀତା କହିଥିଲେ ଯେ, ସେ ଗୋବିନ୍ଦାଙ୍କ ସହ ରୁହନ୍ତି ନାହିଁ। ସେମାନେ ପ୍ରାୟତଃ ଅଲଗା ରୁହନ୍ତି। ସୁନୀତା ପିଲାମାନଙ୍କ ସହିତ ଏକ ଫ୍ଲାଟରେ ରୁହନ୍ତି। ଯେଉଁଠାରେ ଗୋବିନ୍ଦା ଫ୍ଲାଟ ସମ୍ମୁଖରେ ଏକ ବଙ୍ଗଳାରେ ରୁହନ୍ତି।
ଉଲ୍ଲେଖ ଯୋଗ୍ୟ ଯେ, ଗୋବିନ୍ଦା ଏବଂ ସୁନୀତା ୧୯୮୭ ରେ ବିବାହ କରିଥିଲେ। ଦୁହେଁ ବହୁତ କମ୍ ବୟସରେ ବିବାହ କରିଥିଲେ। ସେତେବେଳେ ସୁନୀତାଙ୍କୁ ମାତ୍ର ୧୮ ବର୍ଷ ହୋଇଥିଲା। ଏହି ବିବାହରୁ ସୁନୀତା ଏବଂ ଗୋବିନ୍ଦାଙ୍କର ଦୁଇଟି ସନ୍ତାନ ଟିନା ଏବଂ ଯଶବର୍ଦ୍ଧନ ଅଛନ୍ତି।
