ନୂଆଦିଲ୍ଲୀ: ବଲୁଚ ଲିବରେସନ୍ ଆର୍ମି (ବିଏଲ୍ଏ) ପାକିସ୍ତାନର ବଲୁଚିସ୍ତାନରେ ଜାଫର ଏକ୍ସପ୍ରେସକୁ ଅପହରଣ କରିଛି। କେବଳ ଏତିକି ନୁହେଁ, ବଲୁଚ ସେନା ସମସ୍ତ ଯାତ୍ରୀଙ୍କୁ ଟ୍ରେନରେ ବନ୍ଧକ ରଖିଛି। ସୋସିଆଲ ମିଡିଆରେ ଟ୍ରେନ ଅପହରଣ ବିଷୟରେ ବଲୁଚ ଲିବରେସନ ଆର୍ମି ସୂଚନା ଦେଇଛି।
ଯେତେବେଳେ ଜାଫର ଏକ୍ସପ୍ରେସ ପାକିସ୍ତାନର ଦକ୍ଷିଣ-ପଶ୍ଚିମ ବଲୁଚିସ୍ତାନ ପ୍ରଦେଶର କ୍ୱେଟାରୁ ଖାଇବର ପଖ୍ତୁନଖୱାସ୍ଥିତ ପେଶୱାରକୁ ଯାଉଥିଲା ସେତେବେଳେ ଏହି ଘଟଣା ଘଟିଥିଲା।
ବାଲୁଚ ଲିବରେସନ ଆର୍ମି ଅନୁଯାୟୀ ସମସ୍ତ ଯାତ୍ରୀଙ୍କୁ ବନ୍ଧକ ରଖାଯାଇଛି। ଯଦି ପାକିସ୍ତାନୀ ସେନା କୌଣସି ସାମରିକ ଅପରେସନ୍ କରିବାକୁ ଚେଷ୍ଟା କରେ ତେବେ ଏହାର ପରିଣାମ ଭୟଙ୍କର ହେବ ଏବଂ ସମସ୍ତ ବନ୍ଧକଙ୍କୁ ହତ୍ୟା କରାଯିବ ବୋଲି ବିଏଲ୍ଏ ଧମକ ଦେଇଛି। ଏହି ହତ୍ୟାକାଣ୍ଡର ଦାୟି ସଂପୂର୍ଣ୍ଣ ଭାବେ ସେନା ଉପରେ ରହିବ।
ବଲୁଚ ଲିବରେସନ୍ ଆର୍ମି କହିଛି ଯେ, ଏପର୍ଯ୍ୟନ୍ତ ୬ ଜଣ ସେନା କର୍ମଚାରୀଙ୍କ ମୃତ୍ୟୁ ଘଟିଛି ଏବଂ ଶହ ଶହ ଯାତ୍ରୀ ବନ୍ଧକ ଅଛନ୍ତି।
ପାକିସ୍ତାନୀ ଟିଭି ଅନୁଯାୟୀ ଜାଫର ଏକ୍ସପ୍ରେସରେ ଭୟଙ୍କର ଗୁଳି ବିନିମୟ ହୋଇଛି। ପ୍ରାରମ୍ଭିକ ରିପୋର୍ଟକୁ ଦର୍ଶାଇ ଚ୍ୟାନେଲ କହିଛି ଯେ, ଏହି ଗୁଳିରେ ଟ୍ରେନ୍ ଡ୍ରାଇଭର ଆହତ ହୋଇଛନ୍ତି। ଏହା ବ୍ୟତୀତ କିଛି ଯାତ୍ରୀ ମଧ୍ୟ ଆହତ ହୋଇଛନ୍ତି। ରେଳ ଅଧିକାରୀ କହିଛନ୍ତି ଯେ, ଟ୍ରେନର ୯ ଟି କୋଚରେ ପ୍ରାୟ ୪୫୦ ଯାତ୍ରୀ ଅଛନ୍ତି।
ରେଳ ଅଧିକାରୀ କହିଛନ୍ତି ଯେ, ଏହି ଆକ୍ରମଣ ପରେ ସୁରକ୍ଷା ବାହିନୀ ସମଗ୍ର ଅଞ୍ଚଳକୁ ଘେରି ରହି ଆତଙ୍କବାଦୀଙ୍କ ବିରୋଧରେ କାର୍ୟ୍ଯାନୁ୮ସ୍ଥାନ ଆରମ୍ଭ କରିଛି।
