ନୂଆଦିଲ୍ଲୀ: ଆଜି ଆଇପିଏଲରେ ଲକ୍ଷ୍ନୌ ସୁପର ଜଏଣ୍ଟସ୍ (LSG) ଏବଂ ଦିଲ୍ଲୀ କ୍ୟାପିଟଲ୍ସ (ଡିସି) ଦଳ ମୁହାଁମୁହିଁ ହେବେ। କିନ୍ତୁ ଏହି ମ୍ୟାଚ୍ ପୂର୍ବରୁ ଲକ୍ଷ୍ନୌ ସୁପର ଜଏଣ୍ଟସ୍ ଏକ ବଡ଼ ଅସୁବିଧାର ସମ୍ମୁଖୀନ ହୋଇଛି। ଲକ୍ଷ୍ନୌ ସୁପର ଜଏଣ୍ଟସ୍ ପ୍ରଶିକ୍ଷକ ଜଷ୍ଟିନ ଲେଙ୍ଗର କହିଛନ୍ତି ଯେ, ଦ୍ରୁତ ବୋଲର ମୟଙ୍କ ଯାଦବ ପୁଣି ଆଘାତର ଶିକାର ହୋଇଛନ୍ତି। ଦିଲ୍ଲୀ କ୍ୟାପିଟଲ୍ସ ବିପକ୍ଷ ମ୍ୟାଚ୍ ପୂର୍ବରୁ ଏକ ସାମ୍ବାଦିକ ସମ୍ମିଳନୀରେ ଜଷ୍ଟିନ ଲେଙ୍ଗର କହିଛନ୍ତି ଯେ, ମୟଙ୍କ ଯାଦବଙ୍କ ଆଙ୍ଗୁଠିରେ ଆଘାତ ଲାଗିଛି। ତେଣୁ ବର୍ତ୍ତମାନ ଏହି ଦ୍ରୁତ ବୋଲରଙ୍କ ପ୍ରତ୍ୟାବର୍ତ୍ତନରେ ବିଳମ୍ବ ହେବ।
ସାମ୍ବାଦିକ ସମ୍ମିଳନୀରେ ଜଷ୍ଟିନ ଲେଙ୍ଗର କ’ଣ କହିଛନ୍ତି?
ଜଷ୍ଟିନ ଲେଙ୍ଗର କହିଛନ୍ତି ଯେ, ଗତ ବର୍ଷ ମୟଙ୍କ ଯାଦବ ବହୁତ ପ୍ରଭାବିତ କରିଥିଲେ। ଆମେ ତାଙ୍କ ପ୍ରତ୍ୟାବର୍ତ୍ତନକୁ ଉତ୍ସାହର ସହିତ ଅପେକ୍ଷା କରିଥିଲୁ, କିନ୍ତୁ ଏଥର ସେ ଆଙ୍ଗୁଠିରେ ଆଘାତର ଶିକାର ହୋଇଥିଲେ। ଏହା ପରେ ସେହି ଆଙ୍ଗୁଠିରେ ସଂକ୍ରମଣ ହୋଇଛି। ବର୍ତ୍ତମାନ ମୟଙ୍କ ଯାଦବଙ୍କୁ ସୁସ୍ଥ ହେବା ପାଇଁ ୧ କିମ୍ବା ୨ ସପ୍ତାହ ଲାଗିପାରେ, କିନ୍ତୁ ଭଲ କଥା ହେଉଛି ସେ ଭଲ ଅଛନ୍ତି। ମୟଙ୍କ ଯାଦବଙ୍କ ଫୁଟେଜ ଉପରେ ଆମେ ନିରନ୍ତର ନଜର ରଖିଛୁ।
ପ୍ରକାଶ ଯୋଗ୍ୟ ଯେ, ଆଜି ଆଇପିଏଲରେ ଋଷଭ ପନ୍ତଙ୍କ ନେତୃତ୍ଵାଧୀନ ଲକ୍ଷ୍ନୌ ସୁପର ଜଏଣ୍ଟସ୍ ଏବଂ ଦିଲ୍ଲୀ କ୍ୟାପିଟାଲ୍ସ ଦଳ ପରସ୍ପର ମୁହାଁମୁହିଁ ହେବେ। ବିଶାଖାପାଟନମରେ ଉଭୟ ଦଳ ମୁକାବିଲା କରିବେ।
ଲକ୍ଷ୍ନୌ ସୁପର ଜଏଣ୍ଟ୍ସର ସମ୍ଭାବ୍ୟ ଖେଳାଳି ଏକାଦଶ:
ଅର୍ଶିନ କୁଲକର୍ଣ୍ଣି, ମିଚେଲ ମାର୍ଶ, ଋଷଭ ପନ୍ତ (ଅଧିନାୟକ, ୱିକେଟ୍ କିପର), ନିକୋଲାସ ପୁରନ, ଆୟୁଷ ବଡୋନି, ଡେଭିଡ ମିଲର, ଅବଦୁଲ ସମଦ, ଶାହାବାଜ ଅହମ୍ମଦ, ରାଜବର୍ଦ୍ଧନ ହଙ୍ଗରଗେକର, ରବି ବିଷ୍ନୋଇ ଏବଂ ଶାମର ଜୋସେଫ।
ଇମ୍ପାକ୍ଟ ପ୍ଲେୟାର- ଆକାଶ ଦୀପ।
ଦିଲ୍ଲୀ କ୍ୟାପିଟାଲ୍ସର ସମ୍ଭାବ୍ୟ ଖେଳାଳି ଏକାଦଶ:
ଜେକେ ଫ୍ରେଜର-ମ୍ୟାକଗର୍କ, କେ.ଏଲ୍ ରାହୁଲ, ଫାଫ୍ ଡୁ ପ୍ଲେସିସ୍, ଅଭିଷେକ ପୋରେଲ (ୱିକେଟ୍ ରକ୍ଷକ), ଅକ୍ସର ପଟେଲ (ଅଧିନାୟକ), ଟ୍ରିଷ୍ଟନ ଷ୍ଟବ୍ସ, ମିଚେଲ ଷ୍ଟାର୍କ, କୁଲଦୀପ ଯାଦବ, ମୁକେଶ କୁମାର, ମୋହିତ ଶର୍ମା ଏବଂ ଟି ନଟରାଜନ।
ଇମ୍ପାକ୍ଟ ପ୍ଲେୟାର- ଆଶୁତୋଷ ଶର୍ମା।
