ଓ୍ବେଷ୍ଟଇଣ୍ଡିଜ୍ ଗସ୍ତରେ ରହିଥିବା ଭାରତୀୟ ଦଳ ମ୍ୟାଚ୍ ସମାପ୍ତ ହେବା ପୂର୍ବରୁ ସିରିଜ୍ ବିଜୟୀ ହୋଇଛି । ଅଧିନାୟକ ମନୀଷ ପାଣ୍ଡେ ଶତକ ହାସଲ କରିଥିବା ବେଳେ କୃଣାଲ ପାଣ୍ଡ୍ୟା 5 ଓ୍ବିକେଟ୍ ଅକ୍ତିଆର କରିଥିଲେ । ଭାରତ ଏ ଏହି ପାଞ୍ଚ ମ୍ୟାଚ୍ ବିଶିଷ୍ଟ ସିରିଜ୍ରେ କ୍ରମାଗତ 3 ମ୍ୟାଚ୍ରେ ବିଜୟୀ ହେବା ସହିତ ସିରିଜ୍ ବିଜୟୀ ହୋଇଛି । ପ୍ରଥମେ ବ୍ୟାଟିଂ କରିଥିବା ଭାରତ 50 ଓଭରରେ 6 ଓ୍ବିକେଟ ହରାଇ 295 ରନ୍ ସଂଗ୍ରହ କରିଥିବା ବେଳେ ଓ୍ବିଣ୍ଡିଜ୍ ଏ 34.2 ଓଭରରେ 147 ରନ୍ରେ ସମସ୍ତ ଓ୍ବିକେଟ୍ ହରାଇ 148 ରନ୍ରେ ପରାଜିତ ହୋଇଥିଲେ । ଟସ୍ ଜିତି ପ୍ରଥମେ ବ୍ୟାଟିଂ କରୁଥିବା ଭାରତ ମନୀଷ ପାଣ୍ଡେ (100) ଏବଂ ଶୁଭମାନ ଗିଲ୍ (77) ଙ୍କ ସହାୟତାରେ ନିର୍ଦ୍ଧାରିତ ଓଭରରେ 295 ରନ୍ ସଂଗ୍ରହ କରିଥିଲେ । ଜବାବରେ ଓ୍ବିଣ୍ଡିଜ୍ ପ୍ରାରମ୍ଭରୁ ଭଲ ପ୍ରାରମ୍ଭ ପାଇଥିଲେ ମଧ୍ୟ କୃଣାଲ ପାଣ୍ଡ୍ୟା (5/25)ଙ୍କ ବୋଲିଂ ସମ୍ମୁଖରେ ଏହା ତାସ୍ ପତା ପରି ଭୁଶୁଡି ପଡିଥିଲା । ସିରିଜ୍ର ବାକି ଦୁଇଟି ମ୍ୟାଚ୍ କୁଲିଜ୍ରେ ଶୁକ୍ରବାର ଏବଂ ରବିବାର ଖେଳାଯିବ ।
